ডিজিটেল ডেস্কঃ ভাৰতৰ জম্মু-কাশ্মীৰ, মণিপুৰৰ দৰে অঞ্চললৈ নাযাবলৈ আমেৰিকাই নাগৰিকসকলৰ বাবে ভ্ৰমণ উপদেশ জাৰি কৰিছে। এই পৰামৰ্শত কোৱা হৈছে যে ভাৰত ভ্ৰমণৰ সময়ত নক্সালবাদী সক্ৰিয় হৈ থকা অঞ্চলবোৰলৈ যোৱা এৰক আৰু লগতে সন্ত্ৰাসবাদৰ সংকটৰ সন্মুখীন হোৱা অঞ্চলবোৰলৈ নাযাব।
বুধবাৰে আমেৰিকাই নিজৰ নাগৰিকসকলৰ বাবে ভাৰত সন্দৰ্ভত ট্ৰেভেল এডভাইজাৰী সংশোধন কৰে। ইয়াৰ মাজতে আমেৰিকাৰ নাগৰিকসকলক মণিপুৰ, জম্মু-কাশ্মীৰ, ভাৰত-পাকিস্তান সীমান্ত অঞ্চল আৰু দেশৰ মধ্য আৰু পূব অংশলৈ নাযাবলৈ কোৱা হৈছে, য’ত নক্সালবাদী সক্ৰিয় হৈ আছে।
আমেৰিকাৰ বিদেশ মন্ত্ৰালয়ে জনোৱা মতে, ভাৰতৰ কিছু অংশত অপৰাধ আৰু সন্ত্ৰাসবাদৰ আশংকা থকাৰ বাবে নাগৰিকক সাৱধানতা অৱলম্বন কৰিবলৈ কৈছে। ইয়াৰ উপৰিও ইয়াত আমেৰিকানসকলক সন্ত্ৰাসবাদ আৰু হিংসাৰ বাবে উত্তৰ-পূবৰ ৰাজ্যসমূহলৈ যাত্ৰা কৰাৰ কথা পুনৰ বিবেচনা কৰিবলৈ পৰামৰ্শ দিয়া হৈছে। কোনো সতৰ্কবাণী অবিহনে সন্ত্ৰাসবাদীয়ে আক্ৰমণ কৰিব পাৰে।’পৰ্যটনস্থলী, পৰিবহণ কেন্দ্ৰ, বজাৰ, শ্বপিং মল আৰু চৰকাৰী কাৰ্যালয়ক লক্ষ্য কৰি ল’ব পাৰে।
ইয়াত কোৱা হৈছে যে, ভাৰতীয় গ্ৰাম্য অঞ্চলত থকা নাগৰিকসকলক জৰুৰীকালীন সেৱা প্ৰদানৰ ক্ষেত্ৰত আমেৰিকা চৰকাৰৰ ক্ষমতা সীমিত। এই অঞ্চলসমূহ পূব মহাৰাষ্ট্ৰ আৰু উত্তৰ তেলেংগানাৰ পৰা পশ্চিমবংগলৈকে বিস্তৃত হৈ আছে। এই অঞ্চলসমূহলৈ যাবলৈ আমেৰিকা চৰকাৰৰ কৰ্মচাৰীসকলে বিশেষ অনুমোদন লাভ কৰিব লাগিব।
Continue Reading
