ডিজিটেল ডেস্কঃ ডেম’ক্ৰেটিক পাৰ্টিয়ে এতিয়াও আনুষ্ঠানিকভাৱে ৰাষ্ট্ৰপতি পদৰ প্ৰাৰ্থী হিচাপে তেওঁৰ নাম ঘোষণা কৰা নাই। কিন্তু জনপ্ৰিয়তাৰ ক্ষেত্ৰত কমলা হেৰিছে ইতিমধ্যে ৰিপাব্লিকান পাৰ্টিৰ প্ৰাৰ্থী ড’নাল্ড ট্ৰাম্পক অতিক্ৰম কৰিছে!
যোৱা সোমবাৰ আৰু মঙলবাৰে ৰয়টাৰ-ইপছছে কৰা সমীক্ষা অনুসৰি আমেৰিকাৰ ৪৪ শতাংশ ভোটাৰে ৰাষ্ট্ৰপতি পদৰ বাবে বৰ্তমানৰ উপ-ৰাষ্ট্ৰপতি কমলাক পছন্দ কৰে। আনহাতে, ৪২ শতাংশ ভোটাৰে ট্ৰাম্পৰ প্ৰতি সমৰ্থন প্ৰকাশ কৰে। ভাৰতীয় মূলৰ ডেম’ক্ৰেট নেত্ৰী কমলা আমেৰিকাৰ ইতিহাসৰ প্ৰথমগৰাকী মহিলা উপ-ৰাষ্ট্ৰপতি। ৫ নৱেম্বৰত নিৰ্বাচনত জয়ী হ’লে প্ৰথমগৰাকী মহিলা সভানেত্ৰী হোৱাৰ নজিৰ গঢ়ি তুলিব৷
হোয়াইট হাউছৰ দৌৰৰ পৰা আঁতৰি অহাৰ কথা ঘোষণা কৰাৰ পিছত বিদায়ী ৰাষ্ট্ৰপতি জো বাইডেনৰ উত্তৰাধিকাৰী হিচাপে ডেম’ক্ৰেটিক পাৰ্টিৰ ভিতৰত কমলা আছে যদিও ডেম’ক্ৰেটসকলে এতিয়াও আনুষ্ঠানিকভাৱে তেওঁৰ নাম ‘ৰাষ্ট্ৰপতি পদৰ প্ৰাৰ্থী’ হিচাপে ঘোষণা কৰা নাই। এতিয়াও দুসপ্তাহমান বাকী আছে সেইটোলৈ অপেক্ষা কৰিবলৈ। ৭ আগষ্টত পাৰ্টি অধিৱেশনত ৰাষ্ট্ৰপতি পদৰ প্ৰাৰ্থী আৰু তেওঁৰ ৰানিং মেট (উপৰাষ্ট্ৰপতি পদৰ প্ৰাৰ্থী)ৰ মনোনয়ন আনুষ্ঠানিকভাৱে ঘোষণা কৰা হ’ব।
Continue Reading
