ডিজিটেল ডেস্ক : কেন্দ্ৰই ভাৰতীয় সশস্ত্ৰ বাহিনীৰ (ভূমি, নৌ সেনা আৰু বায়ু সেনা) তিনিটা শাখাত নিযুক্তিৰ বাবে ঘোষণা কৰিছে এক নতুন প্ৰকল্প 'অগ্নিপথ' নামেৰে। এই প্ৰকল্পটোত নিযুক্তি প্ৰাপ্ত সৈনিকসকলৰ পোছাকৰ নাম হ'ব 'অগ্নিবীৰ'। প্ৰতিৰক্ষা মন্ত্ৰী ৰাজনাথ সিঙে জনোৱা মতে নিৰাপত্তা সম্পৰ্কীয় কেন্দ্ৰীয় কেবিনেট সমিতিৰ বৈঠকত 'অগ্নিপথ' প্ৰকল্পটো অনুমোদন জনোৱা হৈছিল। প্ৰকল্পটোৰ প্ৰাৰম্ভিক পৰ্যায়ত অগ্নিবীৰসকলক ৪ বছৰৰ বাবে নিযুক্তি দিয়া হ'ব।
নিযুক্তিৰ সময়ত অগ্নিবীৰৰ বয়স ১৭ৰ পৰা ২১ বছৰৰ ভিতৰত হ'ব লাগিব। ভাৰতীয় সেনাৰ চৰ্তৰ ওপৰত আধাৰ কৰি, তেওঁলোকৰ শাৰীৰিক সামৰ্থ্য আৰু যোগ্যতা পৰীক্ষা কৰাৰ পাছতহে তেওঁলোকক 'অগ্নিপথ' প্ৰকল্পত নিয়োগ কৰা হ'ব। আৰম্ভণিতে, অগ্নিবীৰৰ মাহিলী দৰমহা হ'ব ৩০ হাজাৰ টকা (প্ৰথম বছৰত ৪.৭৬ লাখ টকাৰ পেকেজ)। পাছত প্ৰায় ৪৫ হাজাৰ টকালৈ বৃদ্ধি হ'ব (চতুৰ্থ বছৰত ৬.৯২ লাখ টকাৰ পেকেজ)।
প্ৰথম ছমাহ প্ৰশিক্ষণ দিয়া হ'ব৷ ৪ বছৰৰ পাছত অগ্নিবীৰৰ এক চতুৰ্থাংশই তেওঁলোকৰ অৰ্হতাৰ আধাৰত ভাৰতীয় সেনাত আৰু ১৫বছৰৰ নিযুক্তি লাভ কৰিব। বাকীসকলে 'সেৱা নিধি' আঁচনিৰ অধীনত ১১ ৰ পৰা ১২ লাখ টকালৈ অৱসৰ লোৱাৰ সুযোগ লাভ কৰিব৷
অৱসৰৰ সময়ত প্ৰাপ্ত ১০ লাখ ৪ হাজাৰ টকালৈকে আয়কৰ পৰা ৰেহাই দিয়া হ'ব। যিসকলৰ বয়স হৈছে তেওঁলোকে ভাৰতীয় সেনাত স্থায়ী নিযুক্তিৰ বাবেও আবেদন কৰিব পাৰে। চৰকাৰে পৰিবহণ মন্ত্ৰালয়, শুল্ক বিভাগৰ দৰে বিভিন্ন কেন্দ্ৰীয় সংস্থাত অগ্নিবীৰৰ এটা অংশ নিযুক্তি দিয়াৰ ব্যৱস্থা কৰিব। যদি এজন অগ্নিবীৰ কৰ্তব্যৰত অৱস্থাত আঘাতপ্ৰাপ্ত হয় বা নিহত হয়, তেন্তে তেওঁ বা তেওঁৰ পৰিয়ালে ভাৰতীয় সশস্ত্ৰ বাহিনীৰ এজন সদস্যৰ দৰে একে ক্ষতিপূৰণ, ভাট্টা আৰু লাভালাভ লাভ কৰিব। লগতে ৪৮ লাখ টকাৰ বিনামূলীয়া জীৱন বীমাও লাভ কৰিব৷
সুৰক্ষা সম্পৰ্কীয় কেন্দ্ৰীয় কেবিনেট সমিতিয়ে সিদ্ধান্ত লৈছে যে চলিত বৰ্ষত ৪৬,০০০ অগ্নিবীৰ নিযুক্ত কৰা হ'ব। তেওঁলোকৰ বাবে, 'অগ্নিপথ' প্ৰকল্পৰ অধীনত সেনাৰ নিয়ন্ত্ৰণত এক সম্পূৰ্ণ নতুন বাহিনী সৃষ্টি কৰা হ'ব। নতুন সেনাৰ ইউনিফৰ্ম ভাৰতীয় সেনাৰ শৈলীত হ'ব। অৱশ্যে, চিনাক্তকৰণৰ বাবে পৃথক বেজ আৰু ৰং 'ইনচিগনিয়া' থাকিব। অৱশ্যে, প্ৰতিৰক্ষা মন্ত্ৰালয়ৰ মতে, এই সন্দৰ্ভত বিৱৰণ এতিয়াও চূড়ান্ত কৰা হোৱা নাই।
ভাৰতীয় সেনাৰ গড় বয়স বৰ্তমান ৩২। প্ৰতিৰক্ষা মন্ত্ৰালয়ে অনুমান কৰিছে যে অগ্নিবীৰ নিযুক্তি আৰম্ভ হোৱাৰ ৬-৭বছৰৰ ভিতৰত, ২৬লৈ হ্ৰাস পাব।
Continue Reading
