ভাৰতত মাৰ্চিডিজ-বেঞ্জৰ গ্ৰাহকৰ সংখ্যা হ'লগৈ ২ লাখ! এই সাফল্যৰ অংশীদাৰ হ'বলৈ পাই উৎফুল্লিত অসম মটৰ্ছৰ মুখ্য পৰিচালন সঞ্চালক ড° সঞ্জীৱ নাৰায়ণ

ডিজিটেল ডেস্কঃ বিদেশী বিলাসী গাড়ী কোম্পানীৰ ভিতৰত অন্যতম কোম্পানী হৈছে মাৰ্চিডিজ-বেঞ্জ। মাৰ্চিডিজ গাড়ী এখন চলোৱাটো বহুতৰ এক ডাঙৰ সপোন। বহুতেই সেই সপোনক সাকাৰ ৰূপো দিছে। 

ভাৰতীয় পথত ইতিমধ্যে ২ লাখ মাৰ্চিডিজ-বেঞ্জ গাড়ী চলিছে। অৰ্থাৎ এতিয়ালৈকে ২ লাখ গ্ৰাহকে ক্ৰয় কৰিছে সপোনৰ বিলাসী গাড়ীখন।

যোৱা ৩১ বছৰ ধৰি মাৰ্চিডিজ বেঞ্জে ভাৰতীয় অটোমোবাইল উদ্যোগত অনন্য মাত্ৰা প্ৰদান কৰি আছে। এই ২ লাখ বিক্ৰীৰ মাইলৰ খুঁটিটোৱে মাৰ্চিডিজ-বেঞ্জৰ প্ৰতি সমগ্ৰ দেশৰ গ্ৰাহকৰ আস্থা আৰু ভৰসাকে প্ৰতিফলিত কৰি তুলিলে।

এই সাফল্যৰ আঁৰত মাৰ্চিডিজ-বেঞ্জ অসম মটৰ্ছৰো আছে অৰিহণা।   উত্তৰ-পূব ভাৰতত এই আইকনিক ব্ৰেণ্ডৰ ফ্ৰেঞ্চাইজি খুলি অটোমোবাইল উদ্যোগটো আগবাঢ়ি যোৱাত অৱদান আগবঢ়াইছে  অসম মটৰ্ছৰ মুখ্য পৰিচালন সঞ্চালক ড° সঞ্জীৱ নাৰায়ণে।

ভাৰতত মাৰ্চিডিজ-বেঞ্জৰ কৃতিত্বত উৎফুল্লিত হৈ পৰিছে ড° সঞ্জীৱ নাৰায়ণ। তেওঁ কয় যে "এনে সাফল্যই আমাক আৰু কাম কৰি যাবলৈ প্ৰেৰণা যোগায় আৰু আমাৰ মূল্যৱান গ্ৰাহকৰ বাবে অবিস্মৰণীয় অভিজ্ঞতা সৃষ্টি কৰিবলৈ অনুপ্ৰাণিত কৰে।"

মাৰ্চিডিজ-বেঞ্জৰ ফ্ৰেঞ্চাইজি অসম মটৰ্ছে কেক কাটি এই সুখৰ মুহূৰ্ত উদযাপন কৰে।