ডিজিটেল ডেস্ক: ভাৰতীয় জনতা পাৰ্টিৰ আটাইতকৈ বয়সীয়াল কৰ্মী শ্ৰীনাৰায়ণ ওৰফে ভুলাই ভায়ে ১১১ বছৰ বয়সত শেষ নিশ্বাস ত্যাগ কৰে । ১৯৮০ চনত যেতিয়া ভাৰতীয় জনতা পাৰ্টি গঠন হৈছিল তেতিয়া ভুলাই ভাইয়ে বিজেপিত যোগদান কৰিছিল।
ভুলাই ভাইৰ সৰলতা আৰু তেওঁৰ সৎ ভাবমূৰ্তি দলীয় কৰ্মীসকলৰ মাজত যথেষ্ট জনপ্ৰিয় । বানপানীয়ে আগুৰি থকা দৰিদ্ৰ লোকৰ অৱস্থাৰ বিষয়েও ভোজপুৰীত বৰ্ণনা কৰি তেওঁ যথেষ্ট বিখ্যাত হৈ পৰিছিল। ভুলাই ভাই সক্ৰিয় ৰাজনীতিত প্ৰৱেশ কৰাৰ পূৰ্বে ৰাষ্ট্ৰীয় স্বয়ংসেৱক সংঘৰ সৈতেও জড়িত আছিল। এই সময়ছোৱাত তেওঁ দেওৰিয়া জিলাৰ বাবেও এজন প্ৰচাৰক আছিল। লগতে জৰুৰীকালীন অৱস্থাত তেওঁ কেইবামাহো জে’লত আছিল। তেওঁৰ ভাবমূর্তি এজন সৎ নেতা হিচাপে৷ ভুলাই ভাইৰ পৰিচয় আছিল তেওঁৰ কমলা ৰঙী পাগুৰী ।
১৯৭৪ চনত ভুলাই ভাই দেওৰীয়াৰ নৌৰংগীয়া (বৰ্তমানৰ কুশনগৰৰ খদ্দা)ৰ পৰা ভাৰতীয় জনসংঘৰ বিধায়ক হিচাপে নিৰ্বাচিত হয়। বিজেপি গঠনৰ পিছত ভুলাই ভাই বিজেপি কৰ্মী হৈ পৰে। সোমবাৰে ভুলাই ভাইৰ স্বাস্থ্যৰ অৱনতি ঘটাৰ পিছত ৰামকোলা থানা এলেকাৰ পাগাৰ ছাপৰাত থকা নিজ গৃহত অক্সিজেন ব্যৱস্থাত আছিল। দীপাৱলীৰ সন্ধিয়া প্ৰায় ৬ বজাত তেওঁ নিজৰ বাসগৃহতে শেষ উশাহ লয়। ভুলাই ভাইৰ মৃত্যুত শোক প্ৰকাশ কৰিছে প্ৰধানমন্ত্ৰী মোদী, গৃহমন্ত্ৰী অমিত শ্বাহ, মুখ্যমন্ত্ৰী যোগী আদিত্যনাথকে ধৰি বিজেপিৰ জ্যেষ্ঠ নেতাসকলে।
প্ৰধানমন্ত্ৰী মোদীয়ে এক্সত লিখিছে যে ‘‘ৰাজনীতি আৰু সমাজসেৱাত অমূল্য অৱদান আগবঢ়োৱা নাৰায়ণ জীৰ অৱসান এক অপূৰণীয় ক্ষতি। তেওঁ বিজেপিৰ অন্যতম পুৰণি আৰু কঠোৰ পৰিশ্ৰমী কৰ্মী, যাক আমি ভুলাই ভাই বুলিও জানো। জনকল্যাণৰ সৈতে জড়িত তেওঁৰ ৰচনাসমূহ সদায় স্মৰণীয় হৈ থাকিব। শোকৰ এই ঘন্টাত তেখেতৰ অনুৰাগী আৰু পৰিয়ালৰ প্ৰতি সমবেদনা জ্ঞাপন কৰিছো। ওম শান্তি!’’
উল্লেখ্য যে ক’ভিডৰ সময়ত ভুলাই ভাই চৰ্চালৈ আহে যেতিয়া প্ৰধানমন্ত্ৰী নৰেন্দ্ৰ মোদীয়ে নিজেই ফোন কৰি তেওঁৰ সুস্থতাৰ বিষয়ে সোধা-পোছা কৰিছিল। সেই সময়ত যেতিয়া নাতি কানহাইয়াই প্ৰধানমন্ত্ৰী নৰেন্দ্ৰ মোডী ফোনৰ সিটো মূৰত আছে বুলি কৈছিল, তেতিয়া ভুলাই ভাইৰ মন সুখেৰে ভৰি পৰিছিল। ফোনত হোৱা বাৰ্তালাপত প্ৰধানমন্ত্ৰীয়ে কৈছিল যে এই সংকটৰ সময়ত আপোনাৰ আশীৰ্বাদ ল’লো। এই সন্দৰ্ভত প্ৰাক্তন বিধায়কগৰাকীয়ে কয় যে আপুনি সফল হওক আৰু যেতিয়ালৈকে আপুনি সুস্থ হৈ থাকিব তেতিয়ালৈকে দেশৰ সেৱা কৰি যাওক। প্রধানমন্ত্রীয়ে প্রাক্তন বিধায়কগৰাকীৰ সৈতে ডেৰ-দুই মিনিট কথা পাতিলে৷সেয়েহে প্ৰাক্তন বিধায়কগৰাকীয়ে প্ৰধানমন্ত্ৰীক কৃতজ্ঞতা জ্ঞাপন কৰিছিল।
Continue Reading
