ডিজিটেল ডেস্ক: দীপাৱলীৰ নিশা দিল্লীত সংঘটিত হ’ল নৃশংস হত্যাকাণ্ড৷এই ঘটনাই সমগ্ৰ ৰাজধানী চহৰত আলোড়ন সৃষ্টি কৰিছে। এই হত্যাকাণ্ডৰ গোচৰত পোহৰলৈ আহিছে বহু চাঞ্চল্যকৰ তথ্য৷ ১৬ বছৰীয়া নাবালকৰ এনে কাণ্ডই সকলোকে হতচকিত কৰি তুলিছে।
ঘটনাক্ৰম অনুসৰি শ্বাহদাৰাৰ ফৰছ বজাৰ থানা এলেকাত একেলগে হত্যা কৰা হৈছে ভতিজাক আৰু খুৰাকক। আৰক্ষীৰ প্ৰাৰম্ভিক তদন্তত প্ৰকাশ পোৱা তথ্য অনুসৰি এই হত্যাকাণ্ড সংঘটিত কৰিছে ১৬ বছৰীয়া নাবালকে। মৃত খুৰাক-ভতিজাকৰ নাম ক্ৰমে আকাশ আৰু ঋষভ বুলি জানিব পৰা গৈছে৷ আকাশক হত্যা কৰিবলৈ ভাৰাত আনিছিল শ্বুটাৰ৷ চিচিটিভিৰ ফুটেজত দেখা দৃশ্য অনুসৰি অভিযুক্তই আকাশ নামৰ ব্যক্তিজনৰ চৰণ স্পৰ্শ কৰাৰ চলেৰে শ্বুটাৰক চিনাক্ত কৰে। লগে লগে পিছফালৰ পৰা শ্বুটাৰৰ নিৰ্বিচাৰ গুলীচলানাত আকাশ নামৰ ব্যক্তিজনৰ লগতে ভতিজা ঋষভৰো মৃত্যু হয়।
দিল্লী আৰক্ষীয়ে জনোৱা মতে, চিচিটিভিৰ ফুটেজত স্কুটীত দেখা ১৬ বছৰীয়া নাবালক শিশুটোৱে মূল অভিযুক্ত। এই নাবালক অভিযুক্তৰ বিৰুদ্ধে বহু গোচৰ ৰুজু হৈ আছে বুলি সদৰি কৰিছে। নাবালক অভিযুক্তক জিম্মাত লৈ দিল্লী আৰক্ষীয়ে তদম্ত আৰম্ভ কৰছে।
আৰক্ষীয়ে এয়া পাৰস্পৰিক শত্ৰুতাৰ বাবে এই হত্যা কাণ্ড সংঘটিত হৈছে বুলি সদৰি কৰিছে। আকাশ নামৰ ব্যক্তিজনৰ পৰিয়ালৰো অপৰাধৰ সৈতে পুৰণি সম্পৰ্ক আছে বুলি আৰক্ষীৰ তদন্তত প্ৰকাশ পাইছে৷
Continue Reading
