ডিজিটেল ডেস্কঃ নাম এপেক্স। দৈৰ্ঘ্য আছিল প্ৰায় ১১ ফুট। ডেৰ কোটি বছৰ আগতে পৃথিৱীত ঘূৰি ফুৰিছিল। ২০২২ চনৰ মে’ মাহত আমেৰিকাৰ ক’লৰাড’ৰ পৰা উদ্ধাৰ কৰা হয় জুৰাছিক যুগৰ বিশাল ডাইনোছৰৰ কংকাল। এইবাৰ অভিলেখ দামত বিক্ৰী হ’ল কংকালটো। এই নিলামত আমেৰিকাৰ উদ্যোগপতি কেনেথ গ্ৰীফিনে ৩৭৩ কোটি টকাতকৈও অধিক টকাত ক্ৰয় কৰিছিল এপেক্সক। ইয়াৰ আগতে কেতিয়াও কোনো জীৱাশ্মই নিলামত ইমান মূল্যত বিক্ৰী হোৱা নাছিল। নিউয়ৰ্কৰ নিলাম প্ৰতিষ্ঠান সাদাভিৰ উদ্যোগত এই নিলামৰ আয়োজন কৰা হয়।
প্ৰথম অৱস্থাত ভবা হৈছিল যে এই ষ্টেগোছ’ৰাছ জীৱাশ্মৰ মূল্য ৬০ লাখ ডলাৰলৈকে হ’ব পাৰে। এপেক্সৰ সৈতে ১৫ মিনিটৰ নিলামত আন ছটা জীৱাশ্ম পোৱা গৈছিল। কিন্তু এপেক্সে আধা ডজন প্ৰতিদ্বন্দ্বীক নক আউট কৰি শ্ৰেষ্ঠৰ শ্ৰেষ্ঠৰ খিতাপ দখল কৰে। নিলামত ই ৪৪.৬ মিলিয়ন ডলাৰ লাভ কৰিছিল, যিটো ভাৰতীয় মুদ্ৰাত ৩৭৩ কোটি টকাতকৈও অধিক। নিলামৰ পিছত গ্ৰীফিনে কয় যে, “এপেক্সৰ জন্ম আমেৰিকাত হৈছিল, এতিয়াৰ পৰা ই আমেৰিকাত থাকিব।”
১৯৯৭ চনত ছু নামৰ ডাইনোছৰৰ জীৱাশ্ম ৮২ মিলিয়ন ডলাৰত নিলাম কৰা হয়। এতিয়ালৈকে সেইটোৱেই আছিল অভিলেখ। এপেক্সে সেই অভিলেখ ভংগ কৰিলে।
Continue Reading
