ডিজিটেল ডেস্কঃ উচ্চতম ন্যায়ালয়ে বাংলাদেশত চৰকাৰী চাকৰিৰ সংৰক্ষণ ব্যৱস্থা সংস্কাৰ কৰিবলৈ অনুৰোধ জনাইছে। উচ্চ ন্যায়ালয়ৰ ৰায় খাৰিজ কৰা হয়। আদালতৰ ৰায়দান কোটা সংস্কাৰৰ পক্ষত আছিল। বাংলাদেশৰ উচ্চতম ন্যায়ালয়েও সংৰক্ষণ ব্যৱস্থাৰ সংস্কাৰ কেনেদৰে হ’ব তাৰ ৰূপৰেখা প্ৰস্তুত কৰিছে। চৰকাৰী চাকৰিৰ ক্ষেত্ৰত মাত্ৰ ৭ শতাংশ আসনহে সংৰক্ষিত হ’ব বুলি কোৱা হৈছে। বাকী ৯৩ শতাংশ আসন যোগ্যতাৰ ভিত্তিত নিযুক্তি দিয়া হ’ব।
বাংলাদেশৰ উচ্চতম ন্যায়ালয়ৰ ৰায় অনুসৰি সেই দেশৰ স্বাধীনতা সংগ্ৰামীৰ সন্তানে চৰকাৰী চাকৰিত সংৰক্ষণ পাব। কিন্তু তেওঁলোকে আগৰ দৰে ৩০ শতাংশ ৰিজাৰ্ভচন পোৱা নাই। স্বাধীনতা সংগ্ৰামী সংৰক্ষিত ৩০ শতাংশৰ পৰা ৫ শতাংশলৈ হ্ৰাস। অৰ্থাৎ এতিয়াৰ পৰা মাত্ৰ পাঁচ শতাংশ আসনহে চৰকাৰী চাকৰিত স্বাধীনতা সংগ্ৰামীৰ সন্তানৰ বাবে সংৰক্ষিত হ’ব।
সাত শতাংশৰ ভিতৰত বাকী দুশতাংশ অন্য শ্ৰেণীৰ বাবে সংৰক্ষিত। পিছপৰা শ্ৰেণীয়ে লাভ কৰিছে এক শতাংশ কোটা। ইয়াৰ উপৰিও বাকী থকা এক শতাংশ কোটা সুবিধা দিব্যাংগ আৰু তৃতীয় লিংগ নাগৰিকক দিয়া হ’ব।
শুনানিৰ সময়ত চৰকাৰৰ অধিবক্তাই আদালতত কয় যে ২০১৮ চনত সংৰক্ষণ সন্দৰ্ভত চৰকাৰে গ্ৰহণ কৰা নীতিগত সিদ্ধান্তত আদালতে হস্তক্ষেপ কৰিব নোৱাৰে। উচ্চ ন্যায়ালয়ৰ ৰায়ক ‘আত্মবিৰোধী’ বুলিও উল্লেখ কৰা হৈছে।
Continue Reading
