--°C
Loading...
Listen to Article
2 min read
80%
ডিজিটেল ডেস্কঃ ৯০ দশকৰ বিহাৰৰ অপহৰণ কাণ্ডসমূহত জড়িত আছিল লালু প্ৰসাদ যাদৱ। এই ভয়ংকৰ অভিযোগ আৰ জে ডিৰ সভাপতি লালু প্ৰসাদ যাদৱৰ খুলশালী তথা ৰাজ্যসভাৰ প্ৰাক্তন সাংসদ সুভাষ যাদৱৰ সুভাষ যাদৱে কয় যে বিহাৰত লালুৰ শাসনৰ সময়ছোৱাত ধন দাবীৰ বাবে অপহৰণত জড়িত দলৰ সৈতে আৰ জে ডিৰ মুৰব্বীজনৰ সম্পৰ্ক আছিল। লালুৰ পত্নী ৰাবৰী দেৱীৰ কনিষ্ঠ ভাতৃ সুভাষ যাদৱে বিহাৰৰ বিভিন্ন সংবাদ মাধ্যমৰ আগত এই অভিযোগ কৰে। 

বৰ্তমান সময়ত আৰ জে ডিৰ সৈতে সম্পৰ্ক বিচ্ছিন্ন কৰা এসময়ৰ লালুৰ ঘনিষ্ঠ সহযোগী সুভাষ যাদৱে অভিযোগ কৰে যে সেই সময়ত বিহাৰত সংঘটিত হোৱা অপহৰণকাণ্ডৰ বাবে তেওঁকহে অভিযুক্ত কৰা হৈছিল। সুভাষে দাবী কৰে যে ৯০ৰ দশকত বিহাৰত যি অপহৰণ কাণ্ড চলিছিল সেইসমূহৰ প্ৰধান কেন্দ্র আছিল লালু যাদৱৰ বাসগৃহ। 

লালুৰ বিৰুদ্ধে যেনেকৈ পশুখাদ্য কেলেংকাৰীৰ প্ৰমাণ পাই তেওঁক জে'ললৈ প্ৰেৰণ কৰা হৈছিল, তেনেকৈ সুভাষৰ বিৰুদ্ধেও যদি কিবা অভিযোগ প্রমাণিত হৈছিল, তেনেহ'লে তেওঁক কিয় জে'ললৈ প্ৰেৰণ কৰা নহ'ল বুলি সুভাষে প্রশ্ন কৰে। আনহাতে, ৰাবৰীৰ সৈতে একপ্ৰকাৰ সম্পৰ্ক ছেদ কৰা আন এগৰাকী ভাতৃ সাধু যাদৱে সুভাষ যাদৱৰ এই অভিযোগ ভিত্তিহীন বুলি কয়। কোনো বিশেষ ৰাজনৈতিক দলৰে প্ৰৰোচিত হৈ সুভাষে এই অভিযোগ উত্থাপন কৰিছে। সেই সময়ত বিহাৰত সংঘটিত হোৱা সকলো অপৰাধমূলক কার্যত সুভাষ জড়িত বুলি সাধুৱে ওলোটাই অভিযোগ কৰে। উল্লেখযোগ্য যে ৰাবৰী দেৱীৰ এই দুই ভাতৃক বিহাৰৰ এন ডি এ চৰকাৰখনে বিভিন্ন গোচৰত প্ৰায়ে অভিযুক্ত কৰি আহিছে।
FOLLOW US F
POPULAR
FEATURE
TRENDY
পুনৰ প্ৰাণ পাই উঠিল ৱুলাৰ হ্ৰদ! ৩০ বছৰৰ পাছত আটাইতকৈ ডাঙৰ মিঠা পানীৰ হ্ৰদটোত ফুলি উঠিল পদুম
ভাৰতৰ শংকাৰ কাৰণ হৈ পৰিছে চীন-পাকিস্তান-বাংলাদেশৰ মিতিৰালি
চলচ্চিত্র মহোৎসৱত পাঁচটা বঁটাৰে উজলিল 'বোর্খা-দ্য ভেইল'
ক্ৰমাৎ গুৰুত্বহীন হৈছে নেকি বিধায়ক ভৱেশ কলিতা?
কুখ্যাত চাইবাৰ অপৰাধী গুলজাৰ হুছেইনক আটক ধিং আৰক্ষীৰ
গুৱাহাটীত লিভ-ইন ৰিলেশ্বনশ্বিপৰ ভয়ংকৰ পৰিণতি! প্ৰেমিকাক কোঠাত বন্ধ কৰি প্ৰেমিকে ল'লে চৰম সিদ্ধান্ত