ডিজিটেল ডেস্কঃ দেশৰ পৰৱৰ্তী মুখ্য নিৰ্বাচন আয়ুক্ত হ’ব জ্ঞানেশ কুমাৰ৷ ১৮ ফেব্ৰুৱাৰী অৰ্থাৎ আজি অৱসৰ গ্ৰহণ কৰিব বৰ্তমানৰ মুখ্য নিৰ্বাচন আয়ুক্ত ৰাজীৱ কুমাৰে৷১৯ ফেব্ৰুৱাৰীত দেশৰ মুখ্য নিৰ্বাচন আয়ুক্তৰূপে দায়িত্ব গ্ৰহণ কৰিব জ্ঞানেশ কুমাৰে৷
২০২৯ চনৰ ২৬ জানুৱাৰীলৈ দেশৰ মুখ্য নিৰ্বাচন আয়ুক্তৰূপে কাৰ্যনিৰ্বাহ কৰিব জ্ঞানেশ কুমাৰে৷ জ্ঞানেশ কুমাৰ কেৰালা কেডাৰৰ ১৯৮৮ বেটছৰ বিষয়া৷ ইয়াৰপূ্ৰ্বে বিভিন্ন মন্ত্ৰণালয়ত সচিব হিচাপে কাৰ্যনিৰ্বাহ কৰিছে জ্ঞানেশ কুমাৰে৷নতুন আইন অনুসৰি নিযুক্তি প্ৰদান কৰা হৈছে জ্ঞানেশ কুমাৰক৷
মুখ্য নিৰ্বাচন আয়ুক্ত আৰু অন্যান্য নিৰ্বাচন আয়ুক্ত (নিযুক্তি, সেৱাৰ চৰ্ত আৰু কাৰ্যকাল) আইন, ২০২৩ৰ ৪ নং ধাৰাত প্ৰদান কৰা ক্ষমতাৰ অধীনত নিযুক্তি প্ৰদান কৰা হৈছে জ্ঞানেশ কুমাৰক৷ জ্ঞানেশ কুমাৰৰ ঠাইত নতুন নিৰ্বাচন আয়ুক্ত হ’ব ড০ বিবেক যোশী৷ ১৯৮৯ বেটছৰ হাৰিয়ানা কেডাৰৰ ভাৰতীয় প্ৰশাসনিক সেৱাৰ বিষয়া বিবেক যোশী৷
Continue Reading
