ডিজিটেল ডেস্কঃ ই-কমাৰ্চ খণ্ডৰ বিশ্ববিখ্যাত প্ৰতিষ্ঠান আমাজনে পুনৰবাৰ স্মাৰ্টফোন নিৰ্মাণৰ প্ৰতি আগ্ৰহ প্ৰকাশ কৰিছে। দীৰ্ঘদিন ধৰি চৰ্চাত থকা এই নতুন স্মাৰ্টফোনটোৱে বৰ্তমানৰ বজাৰত উপলব্ধ এপ-কেন্দ্ৰিক ফোনসমূহক এক ডাঙৰ প্ৰত্যাহ্বান জনোৱাৰ সম্ভাৱনা আছে।
এলেক্সাই হ’ব ফোনটোৰ মূল চালিকা শক্তি
এই নতুন স্মাৰ্টফোনটোৰ আটাইতকৈ আকৰ্ষণীয় দিশটো হ’ল ইয়াৰ Artificial Intelligence (AI) ক্ষমতা। প্ৰতিবেদন অনুসৰি, এই ফোনটোত আমাজনৰ ভয়েচ এছিষ্টেণ্ট Alexa ক এনেদৰে সংলগ্ন কৰা হ’ব যে ব্যৱহাৰকাৰীয়ে প্ৰায়বোৰ কাম কেৱল Voice Commandৰ জৰিয়তেই কৰিব পাৰিব। ইয়াৰ ফলত ব্যৱহাৰকাৰীয়ে বাৰে বাৰে বিভিন্ন এপ্লিকেচন খুলি কাম কৰাৰ প্ৰয়োজন কমি যাব।
প্ৰযুক্তিগত বিশেষত্ব
AI-Native Interface: ই এটা সাধাৰণ স্মাৰ্টফোনে নহয় এটা 'AI-first' ডিভাইচ হ’ব।
সহজ কাৰ্যক্ষমতা: ইমেইল লিখা, খাদ্য অৰ্ডাৰ কৰা বা ঘৰৰ স্মাৰ্ট সঁজুলিবোৰ নিয়ন্ত্ৰণ কৰা—এই সকলোবোৰ এলেক্সাই মাত্ৰ এটা নিৰ্দেশতে কৰি দিব।
ব্যক্তিগত সহায়ক: এই ফোনটোৱে আপোনাৰ পছন্দ-অপছন্দ বুজি এজন প্ৰকৃত ব্যক্তিগত সহায়কৰ দৰে কাম কৰিব।
পুনৰাগমনৰ প্ৰচেষ্টা
মন কৰিবলগীয়া যে ২০১৪ চনত আমাজনে তেওঁলোকৰ প্ৰথমটো স্মাৰ্টফোন 'Fire Phone' মুকলি কৰিছিল। কিন্তু সেই সময়ত ফোনটোৱে আশা কৰা ধৰণে সফলতা লাভ কৰাৰ পৰা বঞ্চিত হৈছিল, তথাপিও এইবাৰ কোম্পানীটোৱে আধুনিক এআই প্ৰযুক্তিৰ সহায়ত বজাৰত নিজৰ স্থান দখল কৰিবলৈ পূৰ্ণ প্ৰস্তুতি চলাইছে।
বৰ্তমানৰ পৰ্যায়ত এই ফোনটোৰ আনুষ্ঠানিক নাম বা মুকলিৰ তাৰিখ ঘোষণা কৰা হোৱা নাই যদিও, প্ৰযুক্তি বিশেষজ্ঞসকলৰ মতে আমাজনৰ এই পদক্ষেপে স্মাৰ্টফোনৰ ব্যৱহাৰ সম্পূৰ্ণৰূপে সলনি কৰি দিব পাৰে।
Continue Reading
