"মই ভাবিছো ভেনিজুৱেলাৰ ৰাষ্ট্ৰপতি পদৰ বাবে নিৰ্বাচন খেলিম নেকি!" ডনাল্ড ট্ৰাম্পৰ ধেমালি

ডিজিটেল ডেস্কঃ আমেৰিকা যুক্তৰাষ্ট্ৰৰ প্ৰাক্তন ৰাষ্ট্ৰপতি ডনাল্ড ট্ৰাম্পে তেওঁৰ ব্যংগাত্মক মন্তব্যৰ বাবে পুনৰবাৰ সংবাদ মাধ্যমৰ শিৰোনাম দখল কৰিছে।

শেহতীয়াকৈ এক ৰাজহুৱা অনুষ্ঠানত ভাষণ দি থকাৰ সময়ত ট্ৰাম্পে খুহুটীয়া ঠাট্টাৰে কয় যে তেওঁ হয়তো ভেনিজুৱাৰ ৰাষ্ট্ৰপতি নিৰ্বাচনত অৱতীৰ্ণ হোৱাৰ কথা চিন্তা কৰিব পাৰে।

ভেনিজুৱালাৰ বৰ্তমানৰ ৰাজনৈতিক অস্থিৰতা আৰু শাসনতন্ত্ৰৰ সমালোচনা কৰি থকাৰ মাজতে ট্ৰাম্পে এই মন্তব্য কৰে। তেওঁ উল্লেখ কৰে যে ছ’চিয়েল মিডিয়াত তেওঁক লৈ বিভিন্ন ধৰণৰ চৰ্চা চলি থাকে আৰু বহুতে তেওঁক ভেনিজুৱালাৰ পৰিস্থিতি চম্ভালিব পৰা এজন নেতা হিচাপে কল্পনা কৰে। ইয়াৰ পৰিপ্ৰেক্ষিততে তেওঁ ধেমালি কৰি কয়,"মই ভাবিছো ভেনিজুৱালাৰ ৰাষ্ট্ৰপতি পদৰ বাবে নিৰ্বাচন খেলিম নেকি!"

যদিও ট্ৰাম্পৰ এই কথাষাৰ শুনিবলৈ ধেমালি যেন লাগে, ইয়াৰ অন্তৰালত ভেনিজুৱালাৰ একনায়কত্ববাদী শাসনৰ প্ৰতি এক গভীৰ কটাক্ষ লুকাই থকা বুলি বিশেষজ্ঞসকলে মত প্ৰকাশ কৰিছে। ভেনিজুৱাৰ বৰ্তমানৰ চৰকাৰ আৰু আমেৰিকাৰ মাজত থকা কূটনৈতিক সংঘাতৰ পটভূমিত ট্ৰাম্পৰ এই মন্তব্যই বিশেষ তাৎপৰ্য বহন কৰিছে।

ট্ৰাম্পৰ এই ভাষ্যৰ ভিডিঅ’ ক্লিপ ছ’চিয়েল মিডিয়াত দ্ৰুতগতিত ভাইৰেল হৈ পৰিছে।একাংশই ইয়াক ট্ৰাম্পৰ আমোদজনক স্বভাৱ বুলি অভিহিত কৰিছে যদিও আন একাংশই ইয়াক আন্তঃৰাষ্ট্ৰীয় ৰাজনীতিক লৈ কৰা এক বিতৰ্কিত মন্তব্য বুলি গণ্য কৰিছে।

ডনাল্ড ট্ৰাম্পৰ এনেধৰণৰ আকস্মিক আৰু চৰ্চিত মন্তব্যই সদায় আমেৰিকাৰ ৰাজনীতিৰ লগতে বিশ্ব ৰাজনীতিৰ মঞ্চত এক নতুন তৰ্কৰ সূচনা কৰে।