ডিজিটেল ডেস্কঃ ৰাছিয়াৰ অত্যাধুনিক সামৰিক প্ৰযুক্তিৰ অন্যতম নিদৰ্শন Su-57E ষ্টিল্থ ফাইটাৰ জেটে এতিয়া বিশ্বৰ প্ৰতিৰক্ষা বজাৰত চাঞ্চল্যৰ সৃষ্টি কৰিছে। শেহতীয়া খবৰ অনুসৰি, আফ্ৰিকীয় দেশ আলজেৰিয়াই এই পঞ্চম প্ৰজন্মৰ যুদ্ধবিমানখন নিজৰ বায়ুসেনাত অন্তৰ্ভুক্ত কৰাৰ দিশে আগবাঢ়িছে।
আলজেৰিয়াৰ এই পদক্ষেপে কেৱল আফ্ৰিকাতেই নহয়, বৰঞ্চ দক্ষিণ এছিয়া আৰু ভাৰতৰ প্ৰতিৰক্ষা ৰণনীতিটো প্ৰভাৱ পেলাব বুলি ধাৰণা কৰা হৈছে।
আলজেৰিয়াৰ ঐতিহাসিক পদক্ষেপ
আলজেৰিয়া হ’ব পাৰে ৰাছিয়াৰ পৰা Su-57E ক্ৰয় কৰা প্ৰথমখন বিদেশী ৰাষ্ট্ৰ। আমেৰিকাৰ নিষেধাজ্ঞা বা CAATSA-ৰ ভাবুকিক নেওচি আলজেৰিয়াই নিজৰ আকাশী সীমা সুৰক্ষিত কৰিবলৈ ৰাছিয়াৰ এই 'মাৰাত্মক' জেটৰ ওপৰত ভৰসা কৰিছে। ইয়াৰ ফলত উত্তৰ আফ্ৰিকাৰ সামৰিক শক্তিৰ ভাৰসাম্য সলনি হোৱাৰ সম্ভাৱনা আছে।
ভাৰতৰ বাবে কিয় গুৰুত্বপূৰ্ণ?
ৰাছিয়াই দীৰ্ঘদিন ধৰি ভাৰতক এই প্ৰকল্পৰ অংশীদাৰ হ’বলৈ আমন্ত্ৰণ জনাই আহিছে। বৰ্তমানৰ ভূ-ৰাজনৈতিক পৰিস্থিতিত ভাৰতৰ বাবে এই বিমানখন কিয় গুৰুত্বপূৰ্ণ, তাৰ কেইটামান কাৰণ হ’ল:
চীনৰ প্ৰত্যাহ্বান: চীনৰ বায়ুসেনাত ইতিমধ্যে J-20 ৰ দৰে ষ্টিল্থ ফাইটাৰ জেট আছে। ইয়াৰ মোকাবিলা কৰিবলৈ ভাৰতীয় বায়ুসেনাকো পঞ্চম প্ৰজন্মৰ যুদ্ধবিমানৰ প্ৰয়োজন।
প্ৰযুক্তি হস্তান্তৰ: ৰাছিয়াই ভাৰতক 'মেক ইন ইণ্ডিয়া'ৰ অধীনত এই বিমানৰ প্ৰযুক্তি হস্তান্তৰ কৰাৰ প্ৰস্তাৱ দিছে, যিটো ভাৰতৰ বাবে এক সোণালী সুযোগ হ’ব পাৰে।
বায়ুসেনাৰ আধুনিকীকৰণ: ভাৰতীয় বায়ুসেনাৰ পুৰণি বিমানসমূহৰ ঠাইত নতুন আৰু শক্তিশালী বিমানৰ প্ৰয়োজনীয়তা বৃদ্ধি পাইছে।
আমেৰিকাৰ স্থিতি আৰু প্ৰত্যাহ্বান
ভাৰতে যদি ৰাছিয়াৰ পৰা Su-57E ক্ৰয় কৰিবলৈ আগবাঢ়ে, তেন্তে আমেৰিকাৰ সৈতে থকা সম্পৰ্কত কিছু চেঁচা পৰাৰ সম্ভাৱনা থাকে। আমেৰিকাই নিজৰ F-35 বিক্ৰী কৰিবলৈ ভাৰতক হেঁচা দি আহিছে। সেয়েহে, ভাৰতে ৰাছিয়াৰ বন্ধুত্ব আৰু আমেৰিকাৰ কৌশলগত সম্পৰ্কৰ মাজত কেনেকৈ সন্তুলন বজায় ৰাখে, সেয়া লক্ষণীয় হ’ব।
Continue Reading
