'অ'পেন এ আই'ৰে ছখন ভাৰতীয় বিশ্ববিদ্যালয়ৰ অংশীদাৰিত্ব, ভাৰতৰ ভৱিষ্যৎ কৰ্মশক্তিক কৃত্রিম বুদ্ধিমত্তাৰে গঢ় দিয়াৰ লক্ষ্য

ডিজিটেল ডেস্ক : কৃত্রিম বুদ্ধিমত্তা (এ আই) ক্ষেত্ৰৰ অগ্রণী কোম্পানী অ'পেন এ আয়ে ভাৰতৰ ছখন আগশাৰীৰ বিশ্ববিদ্যালয়ৰ সৈতে মঙলবাৰে গুৰুত্বপূৰ্ণ অংশীদাৰিত্ব কৰিছে। 

অ'পেন এ আয়ে তিনিটা এডটেক প্লেটফৰ্মৰ সৈতেও অংশীদাৰিত্ব কৰাৰ বিষয়ত ঘোষণা কৰিছে। এ আইক ব্যক্তিগত দিশত ব্যৱহাৰ কৰাৰ পৰা বিশ্ববিদ্যালয়ৰ চৌহদত প্ৰৱৰ্তন কৰালৈকে এই ক্ষেত্ৰত গুৰুত্বপূৰ্ণ পদক্ষেপ হিচাপে পৰিগণিত হৈছে। 

তদুপৰি, ভাৰতৰ ভৱিষ্যতৰ কৰ্মশক্তিক এ আইৰ দ্বাৰা গঢ় দিয়াৰ লক্ষ্যৰেও এই পদক্ষেপ লোৱা হৈছে। অ'পেন এ আয়ে অংশীদাৰিত্ব কৰা ভাৰতীয় শিক্ষা প্রতিষ্ঠানবোৰ হৈছে- আই আই টি দিল্লী, আই আই এম আহমেদাবাদ, এইমছ দিল্লী, মণিপাল একাডেমি অব্ হায়াৰ এডুকেশ্যন, ইউনিভাৰ্ছিটি অব্ পেট্রলিয়াম এণ্ড এনার্জি ষ্টাডিজ আৰু পার্ল একাডেমি।

উৎসঃ দৈনিক জনমভূমি