ডিজিটেল ডেস্ক: দিল্লী নিৰ্বাচনৰ পূৰ্বে আম আদমী পাৰ্টিয়ে বৰদিনৰ দিনা এআইৰ দ্বাৰা নিৰ্মিত ভিডিঅ’ ছ’চিয়েল মিডিয়াত প্ৰকাশ কৰিছে। এআই নিৰ্মিত এই ভিডিঅ'টোত চান্টাক্লজৰ ৰূপত দেখা গৈছে অৰবিন্দ কেজৰিৱালক। ভিডিঅ’টোৰ জৰিয়তে কেজৰিৱাল চৰকাৰে কি দৰে দিল্লীবাসীক চান্তাক্লজৰ দৰে আঁচনি উপহাৰ দি আহিছে তাক প্ৰতিফলিত কৰিছে৷
ভিডিঅ’টোত প্ৰথমে অৰবিন্দ কেজৰিৱালক শিশুৰ সৈতে দেখা গৈছে। ইয়াৰ পিছত তেওঁ মহিলাসকলক ২১০০ টকা উপহাৰ দিয়া দেখা যায়। ইয়াৰ পিছত কেজৰিৱালক দিল্লীৰ চৰকাৰী বিদ্যালয়ৰ বাহিৰত শিশুৰ সৈতে ভিডিও’টোত দেখুওৱা হৈছে। ইয়াৰ পাছতে কেজৰিৱালক গোলাপী ৰঙৰ টিকট লৈ বাছত উঠি যোৱা দেখা গৈছে, যিয়ে দিল্লীৰ বাছত মহিলাসকলৰ বিনামূলীয়া টিকটৰ ব্যৱস্থাক প্ৰদৰ্শন কৰিছে।
দিল্লীৰ প্ৰাক্তন মুখ্যমন্ত্ৰী তথা আম আদমি পাৰ্টিৰ আহ্বায়ক অৰবিন্দ কেজৰিৱালৰ হাতত সঞ্জীৱনী যোজনাৰ উপহাৰৰ বাকচ লৈ থকাও দেখা গৈছে ভিডিঅ’টোত। লগতে দিল্লীত উপলব্ধ ‘বিনামূলীয়া বিদ্যুৎ’ সেৱাৰ বিষয়েও প্ৰদৰ্শন কৰিছে ভিডিঅ’টোত।
এফালে মহিলা সন্মান আঁচনিৰ অধীনত মহিলাসকলক প্ৰতিমাহে ২১০০ টকা দিয়াৰ বিপৰীতে আনফালে সঞ্জীৱনী আঁচনিৰ অধীনত ৬০ বছৰৰ ওপৰৰ বৃদ্ধসকলক চৰকাৰী আৰু বেচৰকাৰী চিকিৎসালয়ত বিনামূলীয়াকৈ চিকিৎসা প্ৰদান সন্দৰ্ভটো ভিডিঅ’টোত দেখুৱা হৈছে। আৱশ্যে সঞ্জীৱনী আঁচনিৰ বাবে আৱন্তিত ধনৰ বিষয়ত আপে একো উল্লেখ কৰা নাই।
Continue Reading
