ডিজিটেল ডেস্কঃ উত্তৰাখণ্ডৰ গুথেৰথা গ্ৰাম পঞ্চায়তৰ কোটাত সংঘটিত হয় এক চাঞ্চল্যকৰ ঘটনা ৷ ৰাখীবন্ধন উপলক্ষে মাকৰ সৈতে আইতাকৰ ঘৰলৈ অহা দেৱেন্দ্ৰ সিঙৰ পুত্ৰ পাঁচ বছৰীয়া আদিত্যক নাহৰফুটুকী বাঘে ঘৰৰ চোতালৰ পৰা চোঁচোৰাই লৈ যায় । ঘটনাৰ পিছতে পৰিয়ালৰ লোকৰ মাজত বিশৃংখলতাৰ সৃষ্টি হয়। গুথেৰথাকে ধৰি ওচৰৰ শতাধিক গাঁৱৰ লোকে শিশুটিৰ সন্ধানত হাবিখনৰ লগতে সমগ্ৰ অঞ্চলটোত তদন্ত চলাইছে। তথ্য পোৱাৰ লগে লগে আৰক্ষী-প্ৰশাসনৰ লোক গাঁওখনত উপস্থিত হয়।
গাঁওবুঢ়া মীনাক্ষী দেৱী আৰু সমাজকৰ্মী মনোজ কুমাৰে জনোৱা মতে, উন্নয়ন খণ্ডৰ উনেৰী গাঁৱত কোটা গাঁৱৰ নিবাসী ভাৰত সিঙৰ কন্যা অৰ্চনা দেৱীৰ বিবাহ হৈছিল। ৰাখীবন্ধনৰ উপলক্ষে সোমবাৰে পুৱা পাঁচ বছৰীয়া পুত্ৰৰ সৈতে কোটা গাঁৱৰ মাতৃগৃহলৈ আহিছিল। গোটেই পৰিয়াল আৰু গাঁওবাসীৰ সৈতে গোটেই দিনটো উলাহেৰে ৰাখী উৎসৱ উদযাপন কৰে। সন্ধিয়া প্ৰায় সাত বজাত ঘৰৰ চোতালত বহি খেলি থকা শিশুটিক নাহৰফুটুকী বাঘটোৱে চোঁচোৰাই টানি জোপোহাৰ মাজলৈ লৈ যায়।
গাঁওবাসীয়ে জনোৱা মতে, সোমবাৰে পুৱা অৰ্চনাৰ স্বামী দেৱেন্দ্ৰ সিঙে কোটা গাঁৱৰ মূল পথত নিজৰ বাহনত তেওঁলোকক এৰি থৈ গৈছিল। মঙলবাৰে পুৱাই তেওঁলোকে উনেৰী গাঁৱলৈ উভতি যোৱাৰ কথা আছিল।
উল্লেখ্য যে ঘৰৰ পৰা প্ৰায় ডেৰ কিলোমিটাৰ আঁতৰত, জোপোহাৰ মাজত শিশুটিৰ এটা ভৰি উদ্ধাৰ হয়। সন্ধান এতিয়াও অব্যাহত।
ঘটনাৰ পিছতে অঞ্চলটোত আতংকৰ সৃষ্টি হৈছে। গাঁৱৰ ৰাইজে জনোৱা মতে, গাঁৱৰ সমীপত বহুদিন ধৰি এটা নাহৰফুটুকী দেখা গৈছিল। সোমবাৰৰ ঘটনাৰ প্ৰায় আধা ঘণ্টাৰ আগতেও গাঁওবাসীয়ে বাটত নাহৰফুটুকী বাঘটো দেখিছিল। দেৱিঅ’খাল আৰু গুথেৰাঠা অঞ্চলত নাহৰফুটুকী আক্ৰমণৰ এইটোৱেই প্ৰথম ঘটনা।
Continue Reading
