আকৌ চীটফাণ্ড কেলেংকাৰি: চিবিআইয়ে গ্ৰেপ্তাৰ কৰিলে ১১জনক

ডিজিটেল ডেস্ক: চীটফাণ্ড কেলেংকাৰিৰ চাঞ্চল্য অদ্যপি অব্যাহত আছে৷ চিবিআইয়ে ৬০,০০০ কোটি টকাৰ পাৰ্ল গ্ৰুপ কেলেংকাৰিত জড়িত আৰু ১১জনক গ্ৰেপ্তাৰ কৰিছে৷ এই দলটোৱে গ্ৰাহকক প্ৰতাৰণাৰ উদ্দেশ্যৰে অবৈধভাৱে বিভিন্ন বিনিয়োগ আঁচনি চলাইছিল৷ কেন্দ্ৰীয় অনুসন্ধান সংস্থা (চিবিআই-এ ৬০,০০০ কোটি টকাৰ পাৰ্লছ গ্ৰুপ কেলেংকাৰি গোচৰ সন্দৰ্ভত আৰু ১১ জন লোকক গ্ৰেপ্তাৰ কৰিছে।

চিবিআইয়ে কয় যে, গোটটোৱে অবৈধভাৱে বিভিন্ন বিনিয়োগ আঁচনি চলাই সমগ্ৰ দেশৰ প্ৰায় ৫ কোটি বিনিয়োগকাৰীৰ পৰা প্ৰায় ৬০,০০০ কোটি টকা সংগ্ৰহ কৰিছিল। তেওঁলোকে কোনো আইনী অনুমোদন অবিহনে গ্ৰাহকসকলক প্ৰতাৰণা কৰাৰ উদ্দেশ্যৰে এনে কৰিছিল বুলি চিবিআইয়ে দাবী কৰিছে। চিবিআইয়ে চন্দ্ৰভূষণ ধিলন, প্ৰেম শেঠ, মনমোহন কমল মহাজন, মোহনলাল সেহজপাল, কনৱালজিৎ সিং তুৰ (সকলোপাৰ্লছ গ্ৰুপৰ), প্ৰবীণ কুমাৰ আগৰৱালা, মনোজ কুমাৰ জৈন, আকাশ আগৰৱালা, অনিল কুমাৰ খেমকা, সুভাষ আগৰৱালা, ৰাজেশ আগৰৱালাক চণ্ডিগড়, ভূৱনেশ্বৰ আদিৰ পৰা গ্ৰেপ্তাৰ কৰিছে।

চিবিআইয়ে পাৰ্ল গ্ৰুপৰ বিৰুদ্ধে উচ্চতম ন্যায়ালয়ৰ নিৰ্দেশনাৰ ওপৰত প্ৰাথমিক তদন্ত আৰম্ভ কৰিছিল। তদন্তৰ সময়ত, পিজিএফ লিমিটেড আৰু পিএচিএল লিমিটেড কোম্পানী আৰু নিৰ্মল সিং ভাংগু আৰু পাৰ্লছ গ্ৰুপৰ এই দুটা ফ্লেগশ্বিপ কোম্পানীৰ সঞ্চালকসহ আন ব্যক্তিসকলৰ বিৰুদ্ধে এটা গোচৰ ৰুজু কৰা হৈছিল। ২০১৬ চনত চিবিআইয়ে নিৰ্মল সিং ভাংগু, সুখদেৱ সিং, সুব্ৰত ভট্টাচাৰ্য আৰু গুৰমিত সিঙক গ্ৰেপ্তাৰ কৰিছিল। একে বছৰতে তেওঁলোকৰ বিৰুদ্ধে এখন অভিযোগপত্ৰ দাখিল কৰা হৈছিল।

সংস্থাটোৱে কেলেংকাৰিটোৰ সৈতে সম্পৰ্কিত আন লোকসকলৰ ভূমিকাৰ অধিক অনুসন্ধান অব্যাহত ৰাখিছে৷