ডিজিটেল ডেস্কঃ অষ্ট্ৰেলিয়াৰ সংসদত কিং চাৰ্লছৰ ভাষণৰ সময়ত সংঘটিত হোৱা ঘটনাই এক গুৰুত্বপূৰ্ণ ঐতিহাসিক আৰু ৰাজনৈতিক বিতৰ্কক উজ্জ্বল কৰি তুলিছে। ব্ৰিটেইনৰ ৰজা হিচাপে কিং চাৰ্লছৰ এইটোৱেই আছিল প্ৰথম অষ্ট্ৰেলিয়া ভ্ৰমণ আৰু এই উপলক্ষে তেওঁ সংসদৰ গ্ৰেট হলত সাংসদ আৰু চিনেটৰসকলক সম্বোধন কৰিছিল। কিন্তু অনুষ্ঠানটোৰ সময়ত এক অভাৱনীয় পৰিৱৰ্তন ঘটিছিল, যেতিয়া নিৰ্দলীয় চিনেটৰ লিডিয়া থৰ্পে কিং চাৰ্লছৰ ভাষণ শেষ হোৱাৰ কিছু সময়ৰ পিছতে তেওঁৰ বিৰুদ্ধে জোৰেৰে প্ৰতিবাদ কৰিবলৈ আৰম্ভ কৰে।
লিডিয়া থৰ্পে,এগৰাকী খিলঞ্জীয়া অষ্ট্ৰেলিয়ান, কিং চাৰ্লছক প্ৰত্যাহ্বান জনাই তেওঁ কয়, "আপুনি মোৰ ৰজা নহয়,আমাৰ মাটি ঘূৰাই দিয়ক” ৷ এই প্ৰতিবাদ কেৱল ব্যক্তিগত অভিজ্ঞতাৰ প্ৰকাশ নহয়, অষ্ট্ৰেলিয়াৰ খিলঞ্জীয়া সম্প্ৰদায়ৰ বিৰুদ্ধে ঐতিহাসিক অত্যাচাৰৰ প্ৰতিও দৃষ্টি আকৰ্ষণ কৰাৰ প্ৰয়াস আছিল।
তেওঁৰ কটুক্তি আছিল অষ্ট্ৰেলিয়াৰ খিলঞ্জীয়া লোকসকলৰ অধিকাৰ পুনৰুদ্ধাৰৰ বাবে এক গুৰুত্বপূৰ্ণ আহ্বান, যিয়ে স্পষ্ট কৰি দিয়ে যে ব্ৰিটিছ দখলৰ সময়ত তাত থকা খিলঞ্জীয়া লোকসকলৰ অস্তিত্ব কিমান প্ৰভাৱিত হৈছিল।
উল্লেখ্য যে অষ্ট্ৰেলিয়াত ব্ৰিটেইনৰ পৰা অহা বসতিপ্ৰধান লোকসকলে প্ৰায় ২০০ বছৰ ধৰি খিলঞ্জীয়াৰ ওপৰত হিংসাৰ আশ্ৰয় লৈছিল। এই সময়ছোৱাত শ শ খিলঞ্জীয়া লোকক হত্যা কৰা হয় আৰু ১৯৩০ চনলৈকে এই প্ৰক্ৰিয়া চলি থাকে।আজিও অষ্ট্ৰেলিয়াৰ খিলঞ্জীয়া সম্প্ৰদায়সমূহে বৰ্ণবাদ, বৈষম্য আৰু সামাজিক বৈষম্যৰ সন্মুখীন হৈছে। আধুনিক অষ্ট্ৰেলিয়াৰ বাবে ৰাজনৈতিক, সামাজিক আৰু ঐতিহাসিক প্ৰেক্ষাপটত এই অনুষ্ঠানটো তাৎপৰ্যপূৰ্ণ, য’ত কিং চাৰ্লছ ৰাজনৈতিক ব্যৱস্থাৰ এক অংশ।
Continue Reading
