বজালী একাডেমী অৱ এক্সিলেন্সক দোষমুক্ত ঘোষণা শিক্ষা বিভাগৰ; পূ্ৰ্বৰ গৰিমা ঘূৰাই পালে শিক্ষানুষ্ঠানখনে

ডিজিটেল ডেস্ক: অৱশেষত শিক্ষানগৰী পাঠশালাৰ প্ৰথমখন হায়াৰ ছেকেণ্ডাৰী শিক্ষানুষ্ঠান বজালী একাডেমী অৱ এক্সিলেন্সে পুনৰ ঘুৰাই পালে হেৰুৱা গৰিমা।

২০২৫ বৰ্ষত কেইখনমান ব্যক্তিগত শিক্ষা অনুষ্ঠানে প্ৰথম বৰ্ষৰ অংক বিষয়ৰ প্ৰশ্নকাকত মোবাইল যোগে ভাইৰেল কৰিছিল তথা বিক্ৰী কৰাৰো অভিযোগ উঠিছিল।

এই সন্দৰ্ভত অসম ৰাজ্যিক বিদ্যালয় শিক্ষা পৰিষদে 'বজালী একাডেমী অৱ এক্সিলেন্স'ৰ অধ্যক্ষক তদন্তৰ আওতালৈ আনিছিল। 

কিন্তু অৱশেষত সকলো অভিযোগৰ পৰা এক নিৰ্দেশনা যোগে দোষমুক্ত ঘোষণা কৰিলে ৰাজ্যৰ শিক্ষা বিভাগে।

আৰক্ষী আৰু CIDৰ অনুসন্ধানৰ অন্তত কাউন্সিলে জনালে যে বজালী একাডেমী অৱ এক্সিলেন্সে কোনো কাৰণতে প্ৰশ্নকাকত ভাইৰেল সন্দৰ্ভত জড়িত নাছিল 

কালি শিক্ষা বিভাগে জাৰি কৰা ASSEB -11/R&P/BAR/C/25/2306 ( ১৩/০৩/২০২৬) নং অৰ্ডাৰৰ ভিত্তিত বজালী একাডেমী অৱ এক্সিলেন্সক দোষমুক্ত ঘোষণা কৰাৰ লগতে ২০২৬ বৰ্ষত পুনৰ পূ্ৰ্বৰ দৰে প্ৰথম বৰ্ষত নামভৰ্তি প্ৰক্ৰিয়া অব্যাহত ৰাখিব পাৰিব বুলি নিৰ্দেশনাত উল্লেখ কৰে।