ডিজিটেল ডেস্কঃ ৭ জুলাই দেওবাৰৰ পৰা আৰম্ভ হৈছে জগন্নাথ ৰথযাত্ৰা। ৰথ যাত্ৰাৰ আজি দ্বিতীয়টো দিন। ওড়িশাৰ পুৰীত অতি আড়ম্বৰপূৰ্ণভাৱে আয়োজন কৰা হয় পৃথিৱী বিখ্যাত এই ৰথ যাত্ৰা৷ প্ৰত্যেকবাৰৰ দৰে এইবাৰো ওড়িশাৰ পুৰীত অতি ধূমধামেৰে আয়োজন কৰা দেশৰ অটাইতকৈ বৃহৎ এই ধৰ্মীয় উৎসৱলৈ বহু ভক্তৰ সমাগম হোৱা পৰিলক্ষিত হৈছে৷
ওড়িশাৰ পুৰীত জগন্নাথ ৰথযাত্ৰা আৰম্ভ হোৱাৰ লগে লগে দেশৰ ভিন্ন প্ৰান্তৰ লগতে বিদেশতো ৰথযাত্ৰা কৰা হয়।
এই ৰথযাত্ৰাৰ সময়তে বাংলাদেশত এক মৰ্মান্তিক ঘটনা সংঘটিত হৈছে। বিদ্যুৎস্পৃষ্ট হৈ পাঁচজন লোকৰ মৃত্যু ঘটিছে। এনে এক মৰ্মান্তিক ঘটনাটো সংঘটিত হৈছে বাংলাদেশৰ বগুড়া জিলাত। আহতৰ সংখ্যা প্ৰায় ৩০ জন।
জানিব পৰা মতে জগন্নাথ দেৱৰ ৰথ বগুড়া চহৰৰ সেউজগাড়ী আমতলী এলাকা পাৰ হৈ যাওঁতেই বিদ্যুতৰ তাঁৰডালৰ সংস্পৰ্শত আহি যোৱাৰ বাবে সংঘটিত হৈছে এই মৰ্মান্তিক ঘটনা।
Continue Reading
