ডিজিটেল ডেস্ক: বৰক্ষেত্ৰীৰ আদাট্টাৰীস্থিত নৱৰাত্ৰি দুৰ্গা মন্দিৰত এক চাঞ্চল্যকৰ চুৰিকাণ্ড সংঘটিত হৈছে। চোৰে মন্দিৰৰ তলা ভাঙি ভিতৰত প্ৰৱেশ কৰি প্ৰায় এক লক্ষাধিক মূল্যৰ বহুমূলীয়া সামগ্ৰী চুৰি কৰি লৈ যায়।
এই জঘন্য ঘটনাৰ পিছতে স্থানীয় ৰাইজৰ মাজত তীব্ৰ ক্ষোভৰ সৃষ্টি হৈছে। অঞ্চলটোত দিনক দিনে বৃদ্ধি পোৱা ড্ৰাগছ আসক্তিৰ কুফলৰ বাবেই এইধৰণৰ চুৰিকাণ্ড সঘনাই সংঘটিত হৈছে বুলি স্থানীয় ৰাইজে অভিযোগ উত্থাপন কৰিছে।
ঘটনাৰ সন্দৰ্ভত মুকালমুৱা আৰক্ষী থানাত এখন এজাহাৰ দাখিল কৰা হৈছে। অঞ্চলটোত শান্তি-শৃংখলা বৰ্তাই ৰখাৰ স্বাৰ্থত ড্ৰাগছ আসক্ত তথা চোৰৰ বিৰুদ্ধে প্ৰশাসনক অতিশীঘ্ৰে অধিক কঠোৰ ব্যৱস্থা গ্ৰহণ কৰিবলৈ স্থানীয় ৰাইজে সজোৰে দাবী জনাইছে।
Continue Reading
