ডিজিটেল ডেস্কঃ আহি আছে ২০২৫ চনৰ প্ৰথমটো সূৰ্যগ্ৰহণ। ধৰ্মীয় দৃষ্টিকোণৰ পৰা সূৰ্যগ্ৰহণক অতি গুৰুত্বপূৰ্ণ বুলি গণ্য কৰা হয়। সূৰ্যগ্ৰহণ এক জ্যোতিৰ্বিজ্ঞানৰ পৰিঘটনা।সূৰ্য, চন্দ্ৰ আৰু পৃথিৱী আংশিকভাৱে বা সম্পূৰ্ণভাৱে এক হৈ থাকিলে সূৰ্যগ্ৰহণ হয় । চন্দ্ৰ, সূৰ্য আৰু পৃথিৱীৰ মাজেৰে পাৰ হ’লে এনে হয় । চন্দ্ৰৰ ছাঁ সূৰ্যৰ ওপৰত পৰি পৃথিৱীৰ কিছু অংশত সূৰ্যৰ পোহৰ পোৱাত বাধা দিয়ে । ইয়ে সূৰ্যগ্ৰহণ । চন্দ্ৰৰ ছাঁ পৰাৰ ফলত সূৰ্যক পৃথিৱীৰ পৰা দেখিবলৈ আন্ধাৰ যেন লাগে ।
২০২৫ চনৰ ২৯ মাৰ্চ শনিবাৰে সংঘটিত হ’ব এই বৰ্ষৰ প্ৰথমটো সূৰ্যগ্ৰহণ।পুৱা ৮ঃ৫০ বজাৰ পৰা দুপৰীয়া ১২ঃ৪৩ বজালৈ লাগিব সূৰ্যগ্ৰহণ ৷
ক'ত দেখা যাব এই সূৰ্যগ্ৰহণ ?
আমেৰিকাৰ মহাকাশ সংস্থা নাছাৰ তথ্য অনুসৰি বছৰৰ প্ৰথমটো সৌৰজ্বল বহু মহাদেশত দেখা যাব । উত্তৰ গোলাৰ্ধত অৱস্থিত হোৱাৰ বাবে ইউৰোপীয়সকলে ইয়াক চাব পাৰিব । ইয়াৰ উপৰিও উত্তৰ আমেৰিকা, গ্ৰীণলেণ্ড, আইচলেণ্ড, উত্তৰ আটলাণ্টিক মহাসাগৰ আৰু উত্তৰ-পশ্চিম ৰাছিয়াতো ই দৃশ্যমান হ’ব । নাছাৰ মতে, এই দৃশ্য উত্তৰ আমেৰিকাৰ পূব অঞ্চলত আটাইতকৈ ভালকৈ দেখা যাব । অৱশ্যে বছৰটোৰ প্ৰথমটো সূৰ্যগ্ৰহণ ভাৰতত দেখা নাযাব ।
২০২৫ বৰ্ষৰ দ্বিতীয়টো সূৰ্যগ্ৰহণ কেতিয়া?
২০২৫ চনত মুঠ দুটা সূৰ্যগ্ৰহণ হ’ব । প্ৰথমটো ২৯ মাৰ্চত আৰু দ্বিতীয়টো ২১ ছেপ্টেম্বৰত হ’ব । দ্বিতীয়টো বিশেষকৈ অষ্ট্ৰেলিয়া, এন্টাৰ্কটিকা, আৰু প্ৰশান্ত মহাসাগৰকে ধৰি দক্ষিণ গোলাৰ্ধত দেখা যাব ।
Continue Reading
