ডিজিটেল ডেস্কঃ ২৮ ফেব্ৰুৱাৰীৰ নিশা আকাশত এক বিৰল মহাজাগতিক ঘটনা দেখিবলৈ পোৱা যাব। সেইদিনা সৌৰজগতৰ সকলো গ্রহক একেলগে দেখা পোৱা যাব নিশাৰ আকাশত। ইয়াক গ্রহ একেৰেখীয় হোৱা বা পেৰেড হোৱা বুলি কোৱা হয়। ই এক দুর্লভ মহাজাগতিক ঘটনা। বিজ্ঞানীসকলে প্রকাশ কৰা অনুসৰি যোৱা মাহৰ পৰা সৌৰজগতৰ গ্ৰহসমূহৰ পেৰেড চলি আছে আৰু ২৮ ফেব্ৰুৱাৰীৰ নিশা চৰম পৰ্যায়ত উপনীত হ'ব।
সেইদিনা কিছু সময়ৰ বাবে সকলো গ্রহক একেডাল ৰেখাত দেখা পোৱা যাব। ইয়াৰ পাছত এই ঘটনা পুনৰ দেখিবলৈ পোৱা যাব ২০৪০ •চনত। বিশেষজ্ঞসকলৰ মতে, এই বিৰল মহাজাগতিক ঘটনা চোৱাৰ বাবে নিশা লাইটৰ পোহৰে জিলিকাই থকা নগৰ-মহানগৰৰ পৰা আঁতৰত থকা মুকলি স্থানলৈ যাব লাগিব। যদিহে সেইদিনা নিশা বতৰ ফৰকাল থাকে তেতিয়া ইউৰেনাছ আৰু নেপচুনক বাদ দি আন সকলো গ্রহক খালী চকুৰে দেখা পোৱা যাব। ইউৰেনাছ আৰু নেপচুনক চোৱাৰ কাৰণে দূৰবীণৰ প্ৰয়োজন হ'ব।
বিশেষজ্ঞসকলৰ মতে, মঙল গ্রহক পূবত, বৃহস্পতি আৰু ইউৰেনাছক দক্ষিণ-পূব দিশত তথা শুক্র,নেপচুন আৰু শনিক পশ্চিম দিশত দেখা পোৱা যাব। এই ঘটনা সমগ্র দেশতে দেখা পোৱা যাব।
উৎস- দৈনিক জনমভূমি
Continue Reading
