ডিজিটেল ডেস্ক : শাৰদীয় নৱৰাত্ৰীলৈ মাত্ৰ এদিন পূৰ্বে হ’ব বছৰৰ শেষৰটো সূৰ্যগ্ৰহণ। এই গ্ৰহণৰ ফলত তিনিটা ৰাশিৰ ওপৰত শুভ প্ৰভাৱ পৰিব। জ্যোতিষশাস্ত্ৰৰ অনুসৰি সূৰ্যগ্ৰহণৰ সময়ত কোন তিনিটা ৰাশিয়ে বিশেষ আশীৰ্বাদ লাভ কৰিব বা কাৰ ভাগ্য জিলিকি উঠিব জানো আহক।
শাৰদীয় নৱৰাত্ৰীলৈ মাত্ৰ এদিন আগতে অৰ্থাৎ ১৪ অক্টোবৰত বছৰৰ শেষৰটো সূৰ্যগ্ৰহণ হ’বলৈ গৈ আছে। যাৰ প্ৰভাৱ নিশা ৮.৩৪ বজাৰ পৰা ২.২৫ বজালৈ থাকিব। কন্যা ৰাশি আৰু চিত্ৰ নক্ষত্ৰত এই সূৰ্যগ্ৰহণ হ’বলৈ গৈ আছে। বছৰৰ এই শেষৰটো সূৰ্যগ্ৰহণৰ মাত্ৰ এদিন পাছতে আৰম্ভ হৈছে শাৰদীয় নৱৰাত্ৰি, ইয়াৰ প্ৰত্যক্ষ প্ৰভাৱ ১২টা ৰাশিৰ ওপৰত পৰিব। জ্যোতিষশাস্ত্ৰৰ মতে এই সূৰ্যগ্ৰহণে ১২টা ৰাশিত প্ৰভাৱ পেলাব যদিও ইয়াৰে শুভ প্ৰভাৱ ৩টা ৰাশিৰ ওপৰত দেখা যাব। দৰাচলতে সূৰ্যগ্ৰহণে এই তিনিটা ৰাশিৰ লোকৰ বাবে বহু ইতিবাচক আশা কঢ়িয়াই আনিব।
মিথুন ৰাশিৰ লোকসকল এই সূৰ্যগ্ৰহণৰ ফলত শুভ ফল লাভ কৰিব। এই ৰাশিৰ জাতক-জাতিকাসকলে হয়তো সৌভাগ্য লাভ কৰিব। ইয়াৰ বাহিৰেও তেওঁলোকে আৰ্থিক ক্ষেত্ৰত পৰিৱৰ্তন দেখা পাব আৰু কেৰিয়াৰত উন্নত ফলাফল লাভ কৰিব। এই ৰাশিৰ লোকসকলে হঠাতে ধন লাভ কৰাৰ সম্ভাৱনাও দেখা যায়।
জ্যোতিষশাস্ত্ৰ মতে সিংহ ৰাশি লোকসকলৰ বাবেও সূৰ্যগ্ৰহণৰ ফলত শুভ ফল লাভ কৰিব। একে সময়তে কেৰিয়াৰৰ সৈতে জড়িত লোকসকলৰ বাবেও উন্নতিৰ যোগ দেখা যায়। ব্যৱসায় কৰা লোকসকলে ব্যৱসায়ত লাভ কৰিব।
জ্যোতিষশাস্ত্ৰৰ মতে অক্টোবৰ মাহৰ সূৰ্যগ্ৰহণে তুলা ৰাশিৰ লোকসকলেও বিশেষ শুভ ফল লাভ কৰাৰ লগতে আধৰুৱা কাম সম্পূৰ্ণ কৰিব পাৰিব। ইয়াৰ উপৰি অক্টোবৰ মাহত তুলা ৰাশিৰ লোকসকলে বহু ইতিবাচক খবৰ পোৱাৰ সম্ভাৱনা আছে।
Continue Reading
