বিল গেটছ, মেলিণ্ডাৰ ২৭ বছৰীয়া যুগ্ম জীৱনৰ অৱসান

নিউয়ৰ্ক : বিবাহ বিচ্ছেদৰ ঘোষণা বিল গেটছ আৰু মেলিণ্ডাৰ। ২৭ বছৰজোৰা যুগ্ম জীৱন কটোৱাৰ পাছত বিচ্ছেদৰ কথা ঘোষণা কৰিলে বিশ্বৰ অন্যতম ধনাঢ্য দম্পতীটোৱে। আজি আনুষ্ঠানিকভাৱে তেওঁলোকে বিবাহ বিচ্ছেদৰ কথা সদৰি কৰিছে।

আৰু পঢ়িব পাৰিব : দেশলৈ ওভতাত নিষেধাজ্ঞা : প্ৰধানমন্ত্ৰীৰ বিৰুদ্ধে ক্ষোভ তাৰকাৰ

এক বিবৃতিযোগে গেটছ দম্পতীয়ে সদৰি কৰিছে যে, ‘‘বহু আলোচনা-পৰ্যালোচনাৰ পাছত আমি দুয়ো বিবাহ বিচ্ছেদৰ সিদ্ধান্তত উপনীত হৈছোঁ। বিগত ২৭বছৰত আমি তিনিওটা সন্তানকে ভালদৰে ডাঙৰ দীঘল কৰিছোঁ। আমি এটা ফাউণ্ডেচনো স্থাপন কৰিছোঁ। ইয়াৰ মাধ্যমেৰে বহু মানুহৰ উপকাৰ হ’ব বুলি আমাৰ বিশ্বাস। আমাৰ আৰু কিছুমান লক্ষ্য আছে। সেইখিনি পূৰণ কৰিবলৈ আমি একেলগে কাম কৰিম। কিন্তু এতিয়াৰ পৰা আমি আৰু স্বামী-স্ত্রী হিচাপে নাথাকোঁ। আমি নতুন জীৱন আৰম্ভ কৰিবলৈ ওলাইছোঁ।’

আৰু পঢ়িব পাৰিব : ইংলেণ্ডত বৃহৎ বিনিয়োগ কৰিব ছিৰাম ইনষ্টিটিউটে

১৯৮৭চনত নিউয়র্কত মেলিণ্ডাৰ সৈতে সাক্ষাৎ হৈছিল বিল গেটছৰ। সিদিনা গেটছে মেলিণ্ডাক নিজৰ বাহনেৰে ফুৰাবলৈ লৈ গৈছিল। লাহে লাহে তেওঁলোকৰ ঘনিষ্ঠতা বৃদ্ধি পাবলৈ ধৰে। তাৰ পাছত প্ৰেম আৰু অৱশেষত দুয়োৰে অনুমতিত ১৯৯৩ত এই প্ৰেমে আনুষ্ঠানিকতা পাইছিল।