বিলকিছ বানোৰ দুই ধৰ্ষণকাৰীৰ জামিন আবেদন নাকচ কৰিলে উচ্চতম ন্যায়ালয়ে

 কিন্তু চলিত বৰ্ষৰ আৰম্ভণিতে উচ্চতম ন্যায়ালয়ে ধৰ্ষণকাৰীসকলক পুনৰ জে’ললৈ যাবলৈ নিৰ্দেশ দিছিল আৰু নিৰ্দেশ পালন কৰি গোধৰা কাৰাগাৰত আত্মসমৰ্পণ কৰিছিল ১১ জন ধৰ্ষণকাৰীয়ে। যোৱা মাৰ্চ মাহত ভাগবন্দাছ আৰু বাবুলালে বিষয়টো বৃহৎ বিচাৰপীঠলৈ প্ৰেৰণ কৰিবলৈ আবেদন কৰিছিল। এনে পৰিস্থিতিত আজিৰ দিনটোত ন্যায়াধীশসকলে এই আবেদন ‘সম্পূৰ্ণ ভুল’ বুলি মন্তব্য কৰি এইবুলি প্ৰশ্ন  কৰে, বিচাৰপীঠে দিয়া ৰায়ৰ বিৰুদ্ধে কেনেকৈ আবেদন কৰিব পাৰি? তাৰ পিছত ধৰ্ষণকাৰী দুজনৰ অধিবক্তাই আবেদনখন প্ৰত্যাহাৰ কৰাৰ অনুমতি বিচাৰিছিল আৰু উচ্চতম ন্যায়ালয়ে তাত সন্মতি দিয়ে। 

আজিৰ দিনটোতে ন্যায়াধীশ সঞ্জীৱ খান্নাই আশ্চৰ্য্য প্ৰকাশ কৰি কয় যে এই বিষয়ত জনস্বাৰ্থত কেনেদৰে গোচৰৰ শুনানি হ’ব পাৰে? প্ৰসংগক্ৰমে ২০২২ চনৰ ১৫ আগষ্ট অৰ্থাৎ ৭৬ সংখ্যক স্বাধীনতা দিৱসত গুজৰাট চৰকাৰে বিলকিছৰ ধৰ্ষণকাৰীসকলক  মুকলি কৰি দিছিল। অভিযোগ অনুসৰি, স্থানীয় বিজেপি নেতৃত্বই ১১ জন লোকক মুক্তিৰ পাছত ফুলৰ মালা পিন্ধাই সম্বৰ্ধনা জ্ঞাপন কৰিছিল। বিতৰ্কৰ মাজতো গুজৰাট চৰকাৰে কৈছিল যে ১১ জন ধৰ্ষণকাৰী আৰু হত্যাকাৰীয়ে জেলত ‘ভাল আচৰণ’ কৰিছিল। সেইবাবেই তেওঁলোকৰ শাস্তি হ্ৰাস কৰা হৈছে। ১১ জন ধৰ্ষণকাৰীক মুক্তি দিয়াৰ বিৰুদ্ধে বিলকিছে উচ্চতম ন্যায়ালয়ৰ কাষ চাপিছিল। ইয়াৰ পিছত উচ্চতম ন্যায়ালয়ে গুজৰাট চৰকাৰৰ নিৰ্দেশ বাতিল কৰি যাৱজ্জীৱন কাৰাদণ্ডৰ শাস্তি পোৱা সেই ১১ জন ধৰ্ষণকাৰীক আত্মসমৰ্পন কৰি পুনৰ কাৰাগাৰলৈ ঘূৰি যাবলৈ নিৰ্দেশ দিছিল।