ডিজিটেল ডেস্ক: লোকসভা নিৰ্বাচনক লৈ দেশজুৰি শাসক-বিৰোধীৰ মাজত বৃদ্ধি পাইছে তৎপৰতা৷ বাজিছে নিৰ্বাচনী বিকুল৷ দেশত বিৰোধীৰ ‘ইণ্ডিয়া’ মিত্ৰজোঁট গঠনৰ পূৰ্বেই অসমত গঠন হৈছিল বিৰোধীৰ ঐক্যমঞ্চ৷ অজাপৰ সভাপতি লুৰীণজ্যোতি গগৈক সাধাৰণ সম্পাদক আৰু প্ৰদেশ কংগ্ৰেছৰ সভাপতি ভূপেন বৰাক সভাপতি হিচাপে লৈ গঠিত বিৰোধী ঐক্যমঞ্চই অব্যাহত ৰাখিছে বিৰোধী ৰাজনীতিৰ কাম-কাজ৷
১২টাকৈ বিৰোধী ৰাজনৈতিক দলেৰে গঠিত এই ঐক্যমঞ্চত কোনোধৰণৰ আলোচনা নকৰাকৈয়ে প্ৰদেশ কংগ্ৰেছে প্ৰকাশ কৰিছিল ১৪টা লোকসভা সমষ্টিৰ প্ৰাৰ্থী তালিকা৷ তাৰ পাছতেই বিৰোধী ৰাজনীতিত লাগিছিল হাহাকাৰ৷ জিতেন্দ্ৰ সিং অসমলৈ অহাৰ সময়তে প্ৰস্তুত হৈছিল কংগ্ৰেছৰ সম্ভাৱ্য প্ৰাৰ্থী তালিকা৷
আৰু এই তালিকা প্ৰকাশৰ এসপ্তাহ পাছত ভূপেন বৰাৰ মন্তব্যই আউল লগাইছে বিৰোধীৰ অংকত৷ ১৪টা সমষ্টিত কংগ্ৰেছে প্ৰাৰ্থিত্ব প্ৰক্ষেপ কৰিব বুলি কৰা ঘোষণাৰ পাছতেই বিৰোধী ঐক্যমঞ্চত বিভাজন মেলাৰ স্পষ্ট ইংগিত পোৱা গৈছে৷
ভূপেন বৰাৰ মন্তব্যক উভতি ধৰিছে বিধায়ক অখিল গগৈয়ে৷ কংগ্ৰেছে অকলে ১৪টা সমষ্টিত নিৰ্বাচন খেলাৰ কথাত প্ৰতিক্ৰিয়া প্ৰকাশ কৰিছে অখিল গগৈয়ে৷ এই খবৰ পোৱাৰ লগে লগে ভূপেন বৰাৰ সৈতে টেলিফোনিক বাৰ্তালাপত মিলিত হয় ৰাইজৰ দলৰ সভাপতি অখিল গগৈ৷
অখিল গগৈয়ে ভূপেন বৰাই এনেধৰনৰ কোনো কথা নহয় বুলি কোৱা বুলি সদৰী কৰিছে সংবাদ মাধ্যমৰ সন্মুখত৷ অখিল গগৈয়ে লগতে কয়, বাৰে বাৰে কংগ্ৰেছৰ এনে কথা ওলাই থকা বিষয়টোৰ বিৰূপ প্ৰভাৱ পৰিব পাৰে৷ সেয়ে ভূপেন বৰাক সোনকালে স্থিতি স্পষ্ট কৰাৰ আহ্বান বিধায়ক অখিল গগৈৰ৷
উল্লেখযোগ্য যে, ’১৪খন আসনতে কংগ্ৰেছে প্ৰতিদ্বন্দ্বিতা কৰিব বুলি ঘোষণা কৰিছিল
APCCৰ সভাপতি ভূপেন বৰাই৷ কংগ্ৰেছে লোকসভাত কাকো আসন এৰি নিদিয়ে বুলি মন্তব্য কৰিছিল প্ৰদেশ কংগ্ৰেছৰ সভাপতিগৰাকীয়ে ৷
Continue Reading
