ডিজিটেল ডেস্কঃ উৰ্বশী ৰাউটেলাৰ ফেশ্বন ষ্টেটমেন্ট আৰু বিলাসী জীৱনশৈলীৰ বাবে সদায় চৰ্চাত থাকে। যোৱা কিছুদিন তেওঁ হায়দৰাবাদত আছিল। আগন্তুক ছবি ‘এন বি কে ১০৯’ৰ শ্বুটিং চলি আছে। জানিব পৰা মতে উৰ্বশী শ্বুটিং ফ্ল’ৰত ভয়ংকৰ দুৰ্ঘটনাগ্ৰস্ত হয়। লগে লগে তেওঁক হায়দৰাবাদৰ এখন চিকিৎসালয়ত ভৰ্তি কৰোৱা হয়। এতিয়া তেওঁৰ কেনেকুৱা অৱস্থা?
উৰ্বশীক দেখা যাব তেলেগু চলচ্চিত্ৰ তাৰকা নন্দমুৰি বালকৃষ্ণৰ আগন্তুক ছবি ‘এনবিকে ১০৯’ত। সেই শ্বুটিং ফ্ল’ৰত এক ভয়ংকৰ দুৰ্ঘটনা হয়। হাড় ভাঙি গৈছে অভিনেত্ৰীগৰাকীৰ। অৱশ্যে এই সন্দৰ্ভত এতিয়ালৈকে উৰ্বশীৰ কোনো বক্তব্য দিয়া হোৱা নাই। জানিব পৰা মতে, হায়দৰাবাদত উৰ্বশীৰ বাবে উত্তম চিকিৎসাৰ ব্যৱস্থা কৰা হৈছে। চিকিৎসকে তেওঁক সকলো সময়তে নিৰীক্ষণত ৰাখিছিল। উৰ্বশীৰ আঘাতৰ খবৰ পাই চিন্তিত হৈ পৰিছে অনুৰাগী।
এই ছবিখনৰ শ্বুটিং ২০২৩ চনৰ নৱেম্বৰ মাহৰ পৰা আৰম্ভ হৈছিল। চলিত বৰ্ষৰ অক্টোবৰ মাহত ছবিখন ছবিগৃহত মুক্তি পাব। নন্দমুৰি বালকৃষ্ণ, উৰ্বশীৰ উপৰিও ছবিখনত দুল্কুৰ ছালমান আৰু প্ৰকাশ ৰাজে গুৰুত্বপূৰ্ণ চৰিত্ৰত অভিনয় কৰিছে।
Continue Reading
