ডিজিটেল ডেস্ক: বিয়াৰ নামত চৰকাৰী প্ৰকল্পৰ ধন আৰু উপহাৰ চুৰি কৰাৰ এক ঘটনা সংঘটিত হৈছে৷ উত্তৰ প্ৰদেশৰ মহৰাদাবাদত সংঘটিত হৈছে এই ঘটনা। কিছুমানৰ ভাই-ভনীৰ সম্পৰ্ক, কিছুমানৰ মোমায়েক-ভাগীনয়েকৰ সম্পৰ্ক! কিন্তু চৰকাৰী প্ৰকল্পৰ ধন আৰু উপহাৰ তেওঁলোকে নিজৰ সম্পৰ্ক লুকুৱাই বিয়াৰ বাবে কৰিছিল আবেদন ।
উত্তৰ প্ৰদেশত প্ৰচলিত দৰিদ্ৰ পৰিয়ালৰ পুত্ৰ-কন্যাৰ বিবাহৰ বাবে মুখ্যমন্ত্ৰীৰ ৰাজহুৱা বিবাহ আঁচনি অধীনত নৱবিবাহিতক ৩৫ হাজাৰ টকা দিয়া হয়। লগতে কিছু উপহাৰ প্ৰদান কৰে। চৰকাৰৰ এই আচঁনীৰ ধন আহৰণ কৰিবলৈ বহু লোকে নিজৰ পৰিচয় লুকুৱাই বিবাহৰ বাবে আবেদন কৰিছিল। প্ৰশাসনে আবেদন পত্ৰ পৰীক্ষা কৰাৰ লগে লগে বিষয়টো পোহৰলৈ আহে। যে বহু লোকে নিজৰ পৰিচয় লুকুৱাই বিবাহৰ বাবে আবেদন কৰিছে। অৱশেষত চৰকাৰে তেওঁলোকৰ আবেদন নাকচ কৰে।
ৰাজ্য চৰকাৰৰ সূত্ৰ অনুসৰি এই প্ৰকল্পৰ অধীনত এইবাৰ উত্তৰ প্ৰদেশৰ মহৰাদেশবাদত ৩৪৫১টা দম্পতীয়ে বিবাহপাশত আবদ্ধ হ’ব। যদিও ৮৫১৯টা দম্পতীয়ে আবেদন কৰিছিল। শেষত আবেদনসমূহ পৰীক্ষা কৰাৰ পাছত ভুৱা আবেদন বাতিল কৰা হয়। জিলা সমাজ কল্যাণ বিষয়া শ্ৰী নৰেন্দ্ৰ গৌতমে কয় যে যিসকলে নিজৰ পৰিচয় লুকুৱাই আবেদন কৰিছে তেওঁলোকৰ বিৰুদ্ধে উপযুক্ত ব্যৱস্থা গ্ৰহণ কৰা হ’ব।
প্ৰশ্ন হয় যে উন্নয়নৰ ঢাক-ঢোল বজোৱা এই দেশত এনেদৰে অসৎ উপায় অৱলম্বন কৰি ধনঘটিবলৈ বাধ্য হৈ পৰিছে সাধাৰণ জনতা৷ উন্নয়নৰ বাবে আঁচনিৰ পাহাৰ গঢ়াতকৈ উপযুক্ত নিয়োগ ব্যৱস্থা কৰাৰ লগতে মূল্যবদ্ধি ৰধৰ বাবে কাৰ্যক্ষম ব্যৱস্থা গ্ৰহণ কৰি এনে সমস্যাৰ নিদান উলিওৱাটোহে এতিয়া সময়ৰ আহ্বান৷
Continue Reading
