ডিজিটেল ডেস্ক : হিন্দু পঞ্জিকাৰ
পঞ্চম মাহ হ’ল শাওণ, যি ভগৱান শিৱৰ অতি প্ৰিয় মাহ বুলি গণ্য কৰা হয়। ২০২২ চনৰ ১৪ জুলাইৰ
পৰা আৰম্ভ হৈছিল শাওণ মাহ আৰু অন্ত পৰিব ১২ আগষ্টত। এই বছৰ শাওণ মাহৰ ২৯দিনৰ। হিন্দু
ধৰ্মৰ শাওণ মাহৰ সোমবাৰৰ বিশেষ তাৎপৰ্য্য আছে। এই মাহত সোমবাৰে উপবাস ৰাখি শিৱলিংগক
বিধি অনুসৰি পূজা–অৰ্চনা কৰা হয়। কোৱা হয় যে যদি কোনো লোকে শাওণৰ সোমবাৰৰ ব্ৰত পালন
কৰে, তেনেহ’লে তেওঁৰ জীৱনৰ বহু সমস্যা দূৰ হয়। এই মাহত কোন তাৰিখত কিমান সোমবাৰ আহিব
জানো আহক।
১. শাওণৰ প্ৰথম সোমবাৰঃ-১৮ জুলাই
শাওণৰ প্ৰথম সোমবাৰৰ ব্ৰত আছিল
১৮ জুলাইত। আজিৰ দিনটোতে মৌনা পঞ্চমী উৎসৱ পালন কৰা হয়। মৌনা পঞ্চমীৰ দিনা শিৱৰ লগতে
নাগ দেৱতাকো পূজা কৰাৰ নিয়ম আছে।
২. শাওণৰ দ্বিতীয় সোমবাৰঃ-২৫ জুলাই
শাওণৰ দ্বিতীয় সোমবাৰ অৰ্থাৎ ২৫
জুলাইতো সৌম প্ৰদোষ ব্রত পালন কৰা হৈছিল। সেই দিনটোতে সৰ্বাৰ্থ সিদ্ধি যোগ, অমৃত সিদ্ধি
আৰু ধ্ৰুৱ যোগৰ সমন্বয়ৰ বাবে ভোলেনাথক ভক্তিৰে পূজা কৰা হয়।
৩. শাওণৰ তৃতীয় সোমবাৰঃ-১ আগষ্ট
১ আগষ্টত শাওণৰ তৃতীয় সোমবাৰ।
সেই দিনটোতে শাওণৰ বিনায়ক চতুৰ্থী, শিৱযোগ আৰু ৰবি যোগ গঠন কৰা হৈছে। সেয়েহে সেই দিনটোত
ভগৱান শিৱৰ সৈতে গণপতি বাপ্পাক পূজা কৰিলে দুগুণ ফল পোৱা যাব।
৪. শাওণৰ চতুৰ্থ সোমবাৰঃ-৮ আগষ্ট
শাওণৰ শেষ সোমবাৰটো হৈছে ৮ আগষ্টৰ দিনা। এই দিনটোও শাওণ শুক্ল পক্ষৰ একাদশী তিথি। ইয়াক শাওণ পুত্ৰদা একাদশী বুলিও কোৱা হয়। ইয়াৰ লগতে সেই দিনটোত ৰবি আৰু পদ্মযোগো গঠন হ’ব। একাদশী আৰু সোমবাৰৰ উপবাস একেলগে পালন কৰিলে ভক্তসকলে ভগৱান শিৱ আৰু বিষ্ণুৰ আশীৰ্বাদ লাভ কৰিব।
Continue Reading
