'পৰ্ণ' বজাৰত বিক্ৰী প্ৰসূতিৰ গোপন ছবি, দেশৰ জঘন্যতম চাইবাৰ অপৰাধ ফাদিল

ডিজিটেল ডেস্ক: ঘটনাটোৰ সূত্রপাত হৈছিল গুজৰাটৰ ৰাজকোটৰ পায়ল মেটাৰনিটি হস্পিটেলত, ডিজিটেল বিষয়ক অমনোযোগী ব্যৱস্থাপনা হিচাপে। কিন্তু উক্ত ঘটনাই এনে কিছু শুংসূত্ৰৰ সন্ধান দিলে যে এতিয়া ঘটনাটো হৈ পৰিছে ভাৰতৰ জঘন্যতম চাইবাৰ কেলেংকাৰি।

হেকাৰে ডিফল্ট এডমিন লগিনৰ জৰিয়তে উক্ত চিকিৎসালয়খনৰ চি চি টিভি ব্যৱস্থাৰ নিৰাপত্তা ভেদ কৰি স্ত্ৰীৰোগ ৱাৰ্ডত পৰীক্ষা কৰা মহিলাসকলৰ বহু ঘণ্টাৰ গোপনীয় ফুটেজ চুৰি কৰিছিল আৰু ধনৰ বাবে আন্তঃৰাষ্ট্ৰীয় পৰ্ণ বজাৰত বিক্ৰী কৰিছিল। এই বছৰৰ ফেব্ৰুৱাৰী মাহত অপৰাধীসকলক গ্ৰেপ্তাৰ কৰাৰ আগলৈকে ২০২৪ চনৰ জানুৱাৰীৰ পৰা ২০২৪ চনৰ ডিচেম্বৰৰ আগলৈকে চলি আছিল এই ফুটেজ চুৰি-কাণ্ড।

ন মাহতকৈ অধিক সময়ত হেকাৰবোৰে দেশজুৰি প্রায় ৫০,০০০ ক্লিপ চুৰ কৰিছিল। ৰাজকোটৰ চিকিৎসালয়খনৰ টীজাৰ ক্লিপ 'মেঘা এম বি বি এছ' আৰু 'চি পি মোণ্ডা'ৰ দৰে ইউটিউব চেনেলত অনলাইন প'ষ্ট কৰাৰ পাছতে উক্ত কেলেংকাৰিৰ কথা পোহৰলৈ আহে। গ্রাহকসকলক ৭০০ টকাৰ পৰা ৪০০০ টকা দামত ফুটেজ কিনিবলৈ টেলিগ্রাম চেনেললৈ মাতি নিয়া হৈছিল। এই কেলেংকাৰিৰ তদন্তকাৰীসকলৰ মতে 'পুনে, মুম্বাই, নাছিক, ছুৰাট, আহমেদাবাদ আৰু দিল্লীকে ধৰি দেশজুৰি ৮০ চি চি টিভি ডেছব'ৰ্ড' হেক কৰা হৈছিল।

দেশৰ ২০খন ৰাজ্যৰ চিকিৎসালয়, বিদ্যালয়, কোম্পানী, চিনেমা হল, ফেক্টৰী, আনকি ব্যক্তিগত বাসভৱনৰ ক্লিপ চুৰ কৰা হৈছে। ২০২৫ চনৰ আৰম্ভণিতেই প্রাথমিক গ্ৰেপ্তাৰসমূহ কৰা হৈছিল যদিও তদন্তকাৰীৰ মতে অবৈধভাৱে সংগ্ৰহ কৰা এনে ক্লিপ যোৱা জুনলৈকে টেলিগ্রামত সুলভ আছিল। হেকাৰে ৰাজকোটৰ চিকিৎসালয়খনৰ ক্লিপ চুৰ কৰিছিল 'এডমিন ১২৩' ডিফল্ট পাছৱৰ্ডেৰে। কিন্তু তদন্তকাৰীসকলে তদন্তত তথ্য লাভ কৰিছে যে উক্ত চি চি টিভি ব্যৱস্থাৰ বহুততে এতিয়াও 'এডমিন ১২৩'ৰ দৰে পাছৱৰ্ড ব্যৱহাৰ কৰি থকা হৈছে।

উৎসঃ দৈনিক জনমভূমি