ডিজিটেল ডেস্কঃ দাঁত হালধীয়া হলে ইম্প্ৰেছন বেয়া হয়। সাধাৰণতে যদি দাঁতবোৰ অত্যধিক হালধীয়া হৈ পৰে তেন্তে দন্ত চিকিৎসালয়ত হাজাৰ হাজাৰ টকা খৰচ কৰি চাফা কৰিব লাগিব। এনে পৰিস্থিতিত যদি আপুনি ঘৰুৱা উপায়ৰ জৰিয়তে দাঁত বগা কৰিব বিচাৰে, তেন্তে আপুনি কিছুমান বিশেষ কৌশল গ্ৰহণ কৰিব পাৰে।
১) আপেল চাইডাৰ ভিনেগাৰঃ যদিও আপেল চাইডাৰ ভিনেগাৰ বহু স্বাস্থ্য উপকাৰিতাৰ বাবে ব্যৱহাৰ কৰা হয়, বিশেষকৈ ওজন কমাব বিচৰা লোকসকলৰ বাবে ই এক উৎকৃষ্ট খাদ্য। ইয়াক মাউথৱাছ কৰি ব্যৱহাৰ কৰিলে দাঁতৰ মলি আঁতৰি যায়। কিন্তু সাৱধানতাৰেহে ব্যৱহাৰ কৰক, কাৰণ ইয়াত থকা এচিডে দাঁতৰ ক্ষতি কৰিব পাৰে।
২) বেকিং চোডা আৰু নেমুৰ ৰসঃ বেকিং চোডাক দাঁত বগা কৰাৰ বাবে এক গুৰুত্বপূৰ্ণ এজেণ্ট হিচাপে গণ্য কৰা হয়। প্ৰাকৃতিক এচিড থকা নেমুৰ ৰসৰ লগত মিহলি কৰিলে দাঁতৰ হালধীয়া ক্ষন্তেকতে আঁতৰি যায়। এই মিশ্ৰণটো টুথব্ৰাছৰ সহায়ত দাঁতত ঘঁহি লওক। কিছু সময়ৰ পিছত ধুই পেলাওক, ইয়াৰ ফলত বগা ৰং ঘূৰি আহিব।
৩) হাইড্ৰজেন পেৰাঅক্সাইডঃ দাঁত বগা কৰা সামগ্ৰীত প্ৰায়ে হাইড্ৰজেন পেৰাক্সাইড যোগ কৰা হয়। এই বস্তুটো ঘৰতে পানীৰ লগত মিহলাই মাউথৱাছ হিচাপে ব্যৱহাৰ কৰক।
৪) তেল পুলিংঃ তেল পুলিং যুগ যুগ ধৰি চলি অহা আয়ুৰ্বেদিক পদ্ধতি। ইয়াত নাৰিকল তেল বা তিল তেল মুখত ১৫ৰ পৰা ২০ মিনিট ৰাখিব লাগে। ইয়াৰ দ্বাৰা দাঁতৰ পৰা বেক্টেৰিয়া, বিষাক্ত পদাৰ্থ আৰু আন বহু ধৰণৰ মলি আঁতৰাই পেলাব পাৰি।
৫) হালধিৰ পেষ্টঃ খাদ্যৰ সোৱাদ বৃদ্ধিৰ বাবে আপুনি প্ৰায়ে হালধিৰ পেষ্ট ব্যৱহাৰ কৰিব পাৰে, কিন্তু আপুনি জানেনে যে ইয়াক দাঁত পৰিষ্কাৰ কৰিবলৈও ব্যৱহাৰ কৰিব পাৰি। টুথব্ৰাছৰ সহায়ত হালধিৰ পেষ্ট দাঁতত লগাই কিছু সময় থৈ তাৰ পিছত ধুব।
Continue Reading
