ডিজিটেল ডেস্ক: দেশৰ বিভিন্ন ৰাজ্যত গ্রীষ্ম-প্রবাহে ভয়াৱহ ৰূপ ধাৰণ কৰিছে। তাৰ মাজতে দিল্লীত নিশাৰ ভাগতো তাপমাত্রাই অভিলেখ গঢ়িবলৈ সক্ষম হৈছে। বৃহস্পতিবাৰে দিল্লীত নিশাৰ তাপমাত্ৰাই ১৪ বছৰৰ অভিলেখ ভংগ কৰে।
বৃহস্পতিবাৰে নিশা দেশৰ ৰাজধানীৰ সৰ্বনিম্ন তাপমাত্রা ৩১.৯ ডিগ্রী ছেলচিয়াছ হয়গৈ। যিটো মে' মাহৰ নিশাৰ সাধাৰণ তাপমাত্রাতকৈ ৫.২ ডিগ্রী ছেলচিয়াছ বেছি। ইয়াৰ পূৰ্বে ২০১২ চনৰ ২৬ মে'ত দিল্লীত নিশাৰ ভাগত সর্বনিম্ন তাপমাত্রা আছিল ৩২.৫ ডিগ্রী ছেলচিয়াছ। ভাৰতীয় বতৰ বিজ্ঞান কেন্দ্ৰৰ তথ্য অনুসৰি ছফদৰজং আৰু লোডী পথত সর্বনিম্ন তাপমাত্ৰাৰ এই বৃদ্ধি হৈছে।
উল্লেখযোগ্য যে দিনৰ ভাগত হোৱা গ্রীষ্ম-প্রবাহতকৈ নিশাৰ ভাগতো অতিমাত্রা উষ্ণতাই মানুহৰ জীৱনলৈও ভাবুকি কঢ়িয়াই আনিছে। নিশাৰ তাপমাত্রা বৃদ্ধিয়ে মানুহৰ বাসগৃহসমূহো উত্তপ্ত কৰি ৰাখে আৰু ই কম বতাহ চলাচল কৰা বাসগৃহত থকা দৰিদ্ৰ শ্ৰেণীৰ লোকৰ স্বাস্থ্য সমস্যাৰ সৃষ্টি কৰিব পাৰে।
উৎস: দৈনিক জনমভূমি
Continue Reading
