দেশত পুনৰ কমিছে কৰ’নাৰ সংক্ৰমণ! দীপাৱলী উদযাপনক লৈ চিন্তিত কেন্দ্ৰীয় চৰকাৰ...

নতুন দিল্লী: বিগত কেইবাদিনত পুনৰ কৰ'নাৰ সংক্ৰমণ ক্ৰমাৎ বৃদ্ধি পাইছিল যদিও কিছু পৰিমাণে হ্ৰাস পোৱাৰ তথ্য প্ৰকাশ কৰে স্বাস্থ্য বিভাগে৷ অৱশ্যে দেৱালীৰ সময়ত নিয়ন্ত্ৰণত নাৰাখিলে দেশত কৰ’না পৰিস্থিতিয়ে ভয়াৱহ ৰূপ লোৱাৰ আশংকা প্ৰকাশ কৰিছে কেন্দ্ৰীয় চৰকাৰে। কেন্দ্ৰীয় স্বাস্থ্য-মন্ত্ৰ্যালয়ে প্ৰকাশ কৰা তথ্য অনুসৰি বিগত ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ১৪ হাজাৰ ৩৬জন লোক।

দেওবাৰে দেশত মুঠ কৰ’নাত আক্ৰান্ত হৈছিল ১৫ হাজাৰ ৯০৬ জন লোক। আনহাতে, বিগত ২৪ ঘণ্টাত দেশত ৪৪৩জন ক’ভিড আক্ৰান্ত লোকৰ মৃত্যু হৈছে। দেওবাৰে দেশত ৫৬১জন ক’ভিড আক্ৰান্ত লোকৰ মৃত্যু হৈছিল।

মন্ত্ৰ্যালয়ে প্ৰকাশ কৰা অনুসৰি দেশত মুঠ কৰ’না আক্ৰান্ত মৃত্যুৰ সংখ্যা হৈছেগৈ ৪লাখ ৫৪ হাজাৰ ৭১২জন। বিগত ২৪ ঘণ্টাত দেশত কৰ’নাৰ পৰা আৰোগ্যলাভ কৰি ঘৰলৈ যোৱা মুঠ ৰোগীৰ সংখ্যা হৈছে ১৮হাজাৰ ৭৬২জন।

দেশত বৰ্তমানলৈকে মুঠ কৰ’নাৰ পৰা আৰোগ্যলাভ কৰা ৰোগীৰ সংখ্যা হৈছে ৩ কোটি ৩৫লাখ ৬৭হাজাৰ ৩৬৭জন। আনহাতে, দেশত চিকিৎসাধীন হৈ থকা কৰ’না ৰোগীৰ সংখ্যা হৈছে ১লাখ ৬৭হাজাৰ ৬৯৫ জন। এয়া বিগত ২৩৯দিনৰ ভিতৰত সৰ্বনিম্ন বুলি কোৱা হৈছে। ইপিনে বৰ্তমানলৈ দেশত ১০২ কোটি ২৭ লাখ ১২ হাজাৰ ৮৯৫ জন লোকক কৰ’নাৰ ভেকচিন প্ৰদান কৰা হৈছে।