ডিজিটেল ডেস্কঃ আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পৰ ঐতিহাসিক গোচৰটোৱে মঙলবাৰে আদালতত চূড়ান্ত পৰ্যায়ত উপনীত হয়। ইয়াৰ মাজতে পৰ্ণ ষ্টাৰ ষ্টৰ্মি ডেনিয়েলছে এক সাক্ষাৎকাৰত দাবী কৰে যে তেওঁক মৃত্যুৰ ভাবুকি দিয়া হৈছে। ট্ৰাম্পৰ বিৰুদ্ধে গোচৰৰ অন্যতম সাক্ষী ষ্টৰ্মি।
পৰ্ণ তাৰকাগৰাকীয়ে দাবী কৰিছিল যে ২০০৬ চনত ট্ৰাম্পৰ সৈতে তেওঁৰ শাৰীৰিক সম্পৰ্ক আছিল। ষ্টৰ্মীয়ে লগতে দাবী কৰে যে ট্ৰাম্পে তেওঁক মুখ বন্ধ কৰি ৰাখিবলৈ বিপুল ধন দিছিল। অভিযোগ কৰা হৈছে যে ট্ৰাম্প ৰাষ্ট্ৰপতি হোৱা বছৰটো নিৰ্বাচনী প্ৰচাৰৰ সময়ত ষ্টৰ্মিৰ সৈতে ট্ৰাম্পৰ যোগাযোগ প্ৰকাশ নহ’বলৈ এই উৎকোচ দিয়া হৈছিল।
সাক্ষাৎকাৰটোত ষ্টৰ্মীয়ে দাবী কৰে যে ট্ৰাম্প সমৰ্থকে কোনো পৰিচয় লুকুৱাই নিদিয়াকৈ তেওঁক হত্যা কৰাৰ ভাবুকি দিছে। ষ্টৰ্মিৰ ভাষাত ক'বলৈ গ'লে, "পাঁচ-ছয় বছৰৰ আগতে আমাৰ পেছাটোক কেৱল অসন্মান কৰা হৈছিল আৰু কুৎসিত মন্তব্য কৰা হৈছিল। কিন্তু এতিয়া মোক হত্যাৰ ভাবুকি দিবলৈ কোনেও লাজ কৰা নাই। মই জানিব বিচাৰো, যিসকলে মোক এই সকলোবোৰ কৈছে, তেওঁলোকে নিজৰ মাক, ভনীয়েক বা ছোৱালীৰ লগতো একেধৰণৰ ব্যৱহাৰ কৰেনে?''
Continue Reading
