৩% মৰগীয়া বানচ ঘোষণা, কেন্দ্ৰীয় চৰকাৰৰ কৰ্মচাৰীলৈ সু-খবৰ

ডিজিটেল ডেস্ক: কেন্দ্ৰীয় চৰকাৰৰ অধীনৰ ৪৮ লাখ কৰ্মচাৰী আৰু ৬৮ লাখ পেঞ্চনাৰৰ বাবে দীপাৱলীৰ উপহাৰ হিচাপে ৩% মৰগীয়া বানচ দিয়াৰ কথা ঘোষণা কৰিছে মোদী চৰকাৰে। দীপাৱলীলৈ মাত্র দহ দিন বাকী থকা অৱস্থাত কেন্দ্ৰীয় কেবিনেটে কালি এই সিদ্ধান্ত লয়। 

কেবিনেটে লোৱা সিদ্ধান্তৰ পাছত কেন্দ্ৰীয় চৰকাৰৰ অধীনৰ কৰ্মচাৰী আৰু পেঞ্চনাৰসকলৰ মৰগীয়া ভাত্তা ৬৩%লৈ বৃদ্ধি পাব। কৰ্মচাৰীসকলৰ মৰগীয়া বানচ বৃদ্ধিৰ ফলত কেন্দ্ৰীয় চৰকাৰৰ ১০ হাজাৰ কোটি টকা ব্যয় হ'ব। নতুন মৰগীয়া বানচ যোৱা ১ জুলাইৰ পৰা কাৰ্যকৰী হ'ব। 

নতুন মৰগীয়া ভাত্তাসহ চলিত মাহৰ দৰমহা আৰু বকেয়া ধন কৰ্মচাৰী আৰু পেঞ্চনাৰ্ছসকলে দীপাৱলীৰ আগতে লাভ কৰিব। উল্লেখযোগ্য যে কেন্দ্ৰীয় কৰ্মচাৰীসকলৰ মৰগীয়া বানচ এপ্ৰিলত ২% বৃদ্ধি কৰা হৈছিল।

 উৎস: দৈনিক জনমভূমি