ডিজিটেল ডেস্ক: এতিয়া ফাগুনৰ বতৰ। ফাগুনৰ এই বতৰে কঢ়িয়াই আনে উৎসৱৰ সুবাস। এই ফাগুনতেই হয় বিভিন্নজনৰ মিলন।ফাগুনৰ এই বতৰতে যুগ্মজীৱনৰ পাতনি মেলে বহুজনে। আজি আমি জনাবলৈ ওলাইছোঁ এখন বিশেষ ব্যতিক্ৰম বিবাহৰ বিষয়ে।
কেতিয়াবা যদি দৰাই কইনা নিবলৈ গৰুগাড়ীত আহে, কেতিয়াবা আকৌ নামী-দামী গাড়ীত দৰা অহা পৰিলক্ষিত হয়। পিছে হাৰিয়ানাৰ এখন বিয়াত দৰাই হ’বলগীয়া পত্নীক নিবলৈ আহিল হেলিকপ্টাৰেৰে। যি দৃশ্য ইতিমধ্যে সামাজিক মাধ্যমত ভাইৰেল হৈ পৰিছে। দৰাৰ লগতে একেবাৰে কাষৰ পৰা হেলিকপ্টাৰখন চাবলৈ ভিৰ কৰিছে বহুজনে ৷ অৱশ্যে হাৰিয়ানাত হেলিকপ্টাৰেৰে কইনাক নিবলৈ দৰা অহা কেবাখনো বিয়া অনুষ্ঠিত হৈছে ৷ হাৰিয়ানাত এয়া যে এক ট্ৰেণ্ডত পৰিণত হৈছে ৷
কৰ্ণালৰ ঘোঘৰদীপুৰৰ ব্যক্তিগত ভোজগৃহত অনুষ্ঠিত হোৱা এখন বিয়াখনত বৰযাত্ৰীৰ দল আহিল হেলিকপ্টাৰেৰে । দৰা কুৰুক্ষেত্ৰৰ মথানা গাঁৱৰ খেতিয়ক ছাহিল । আনহাতে কইনা কৰ্ণালৰ বাজিদা জাটান গাঁৱৰ নিকিতা। উল্লেখযোগ্য যে তেওঁৰ সৰু ভায়েকে বিচাৰিছিল যে ককায়েকে কইনা আনিবলৈ হেলিকপ্টাৰেৰে যাব আৰু সেই সপোন ইতিমধ্যে পূৰণ হ'ল। হেলিকপ্টাৰেৰে বৰযাত্ৰীৰ দল আহি পোৱাৰ লগে লগে কইনাৰ পৰিয়ালৰ মাজতো সুখৰ যেন সীমা নোহোৱা হ’ল ৷ ইফালে কইনা লৈ পুনৰ হেলিকপ্টাৰেৰে উভতিল দৰা ছাহিল ৷ সুখৰ হওক ছাহিল-নিকিতাৰ যুগ্মজীৱন।
Continue Reading
