আপুনি চাহ ভাল পাই নে ? যদি ভাল পাই তেন্তে জীৱনত এবাৰ হ'লেও চাই আহক এইসমূহ ঠাই

ডিজিটেল ডেস্কঃ ভাৰতত এনে বহুতো চাহ বাগিচা আছে, যাৰ চাহ বিশ্ববিখ্যাত। এই চাহ বাগিচাবোৰৰ তাজা চাহৰ ৰূচি উপভোগ কৰিবলৈ দেশ-বিদেশৰ বিভিন্ন প্ৰান্তৰ পৰা মানুহ আহে।

সেয়ে আজি আমি আপোনালোকক ভাৰতৰ কিছুমান সুপ্ৰসিদ্ধ চাহ বাগিচাৰ বিষয়ে জনাম।

ভাৰতত এনে বহু ঠাই আছে, যিবোৰ উৎপাদিত নানা জাতৰ চাহৰ বাবে বিশ্বজুৰি বহুতে আকৰ্ষিত। এই ঠাইবোৰ চাৰিওফালে পাহাৰ আৰু সেউজীয়া প্ৰকৃতিৰে আগুৰি থকা মনোৰম পৰ্যটন কেন্দ্ৰ। ইয়ালৈ দূৰ-দূৰণিৰ পৰা পৰ্যটক আহে।

ইয়ালৈ আহি, খোলা আকাশৰ তলত মৃদু বতাহৰ মাজত, চাহ বাগিচাৰ সৌন্দৰ্য উপভোগ কৰাৰ আনন্দেই যেন সুকীয়া । আপুনিও যদি ধুনীয়া পৰ্বতীয়া উপত্যকাৰ মাজত, খোলা আকাশৰ তলত, গৰম গৰম চাহৰ জুটি ল’বলৈ ভাল পায়, তেন্তে ভাৰতৰ এই ৫খন বিখ্যাত ঠাই এবাৰ মনত ৰাখিব।

মুন্নাৰ কেৰালা

কেৰালাৰ মুন্নাৰ চহৰ সুগন্ধি চাহ বাগিচাৰ বাবে অতি প্ৰসিদ্ধ। ইয়াৰ চাহ বাগিচাখন কানন দেৱান হিলছ প্লেণ্টেচনছ প্ৰাইভেট লিমিটেডৰ। মুন্নাৰত থকা চাহ সংগ্ৰহালয় পৰ্যটকসকলৰ বাবে মূল আকৰ্ষণ। এই সংগ্ৰহালয় ২০০৫ চনত টাটা টিৰ উদ্যোগত স্থাপন কৰা হৈছিল।

মুন্নাৰৰ এই চাহ সংগ্ৰহালয়টো যথেষ্ট অনন্য। ইয়াত চাহৰ উৎপাদনৰ যাত্ৰা কেনেদৰে হয়, তাৰ সম্পূৰ্ণ বিৱৰণ চাব পৰা যায়। লগতে, বহুদিন ধৰি এই চাহ বাগিচাসমূহ সংৰক্ষণ কৰি অহা মালিক আৰু শ্ৰমিকসকলৰ বহু অপ্ৰকাশিত ফটো আৰু মেচিনো ইয়াত সংৰক্ষিত আছে। চাহ প্ৰেমীসকলৰ বাবে এই চাহ সংগ্ৰহালয় এটি বিশেষ স্থান হিচাপে বিবেচিত।

যোৰহাট, অসম

অসমৰ যোৰহাট অঞ্চলত বিভিন্ন প্ৰকাৰৰ চাহ উৎপাদন কৰা হয়। ইয়াত থকা টেকলাই পৰীক্ষা কেন্দ্ৰ বিশ্বৰ আটাইতকৈ পুৰণি পৰীক্ষামূলক চাহ কেন্দ্ৰসমূহৰ এটা, য’ত বিশেষকৈ নতুন জাতৰ চাহপাত আৰু মাটিৰ গৱেষণা কৰা হয়।

এই চহৰখনত প্ৰায় ১৫০ খন চাহ বাগিচা আছে, যিয়ে চাহপ্ৰেমীসকলক আকৰ্ষিত কৰে। যোৰহাটলৈ যাওতে পৰ্যটকসকলে ৰাস্তাৰ দুয়োফালে চাহ বাগিচাহে দেখা পায় । প্ৰাকৃতিক সৌন্দৰ্য্যৰে ভৰা যোৰহাটৰ এই চাহ বাগিচাবোৰে চহৰখনৰ ৰূপ সোণত সুৱগা চৰায়।

উটি, তামিলনাডু

তামিলনাডুৰ উটিৰ নীলগিৰি চাহ বাগিচাসমূহ বিভিন্ন ধৰণৰ চাহৰ বাবে বিশ্বজুৰি বিখ্যাত। ইয়াত গ্ৰীন টিৰো উৎপাদন কৰা হয়।

নীলগিৰি চাহ প্ৰখ্যাত ইয়াৰ গাঢ় সুগন্ধি আৰু মনোমোহা সুবাসৰ বাবে। ইয়াত দামী জাতৰ চাহ উৎপাদন কৰা হয়। বৃহৎ সংখ্যক চাহপ্ৰেমী আৰু পৰ্যটকে এই ধুনীয়া চাহ বাগিচা পৰিদৰ্শন কৰিবলৈ আৰু উৎকৃষ্ট চাহৰ আনন্দ ল’বলৈ আহে।

দাৰ্জিলিং, পশ্চিম বংগ

দাৰ্জিলিঙৰ চাহ বাগিচাত উৎপাদিত চাহৰ উৎকৃষ্ট সোৱাদ সমগ্ৰ বিশ্বতে বিখ্যাত। হিমালয়ৰ ঠাণ্ডা বতাহ আৰু দাৰ্জিলিঙৰ বিশেষ মাটিত উৎপাদিত চাহ উচ্চ গুণগত মানৰ বাবে পৰ্যটকসকলৰ মাজত জনপ্ৰিয়।

ভাৰতৰ ভিতৰত দাৰ্জিলিং হৈছে প্ৰথম ঠাই, য’ত চাহৰ খেতি আৰম্ভ হৈছিল।

দাৰ্জিলিঙৰ চাহ কেৱল ভাৰততে নহয়, বিদেশতো অতি প্ৰসিদ্ধ। ইয়াত উৎপাদিত ব্লেক টি (ৰঙা চাহ) আটাইতকৈ বেছি লোকপ্ৰিয়।

কংৰা, হিমাচল প্ৰদেশ

বিশ্বপ্ৰসিদ্ধ কংৰা চাহ হিমাচল প্ৰদেশৰ কংৰা জিলাত অৱস্থিত চাহ বাগিচাত উৎপাদন কৰা হয়। এই চাহৰ স্বাদ উৎকৃষ্ট, যাৰ আনন্দ ল’বলৈ বহু লোক দূৰ-দূৰণিৰ পৰা হিমাচললৈ আহে।

এই উপত্যকাত ক’লা চাহ আৰু গ্ৰীন টি উৎপাদন কৰা হয়, যিটো ৰাইজৰ মাজত অতি জনপ্ৰিয়।