কিমান দিন ৰিচাৰ্জ নকৰিলে বন্ধ হয় চিম কাৰ্ড, জানো আহক

ডিজিটেল ডেস্কঃ প্ৰায়ে এনেকুৱা হয় যে কাৰোবাৰ হাতত দুখন চিম কাৰ্ড থাকে আৰু ফোন কৰিবৰ বাবে মাত্ৰ এখনহে ব্যৱহাৰ কৰে।

ইয়াৰ মাজতে তেওঁলোকে দ্বিতীয়খন চিম কাৰ্ড ৰিচাৰ্জ নকৰে,কিন্তু এটা নিৰ্দিষ্ট সময়ৰ পিছত এই চিম কাৰ্ডখন নিষ্ক্ৰিয় হৈ পৰে, নম্বৰটো আন কাৰোবালৈ সলনি হৈ যায়। কিন্তু চিম কাৰ্ড ৰিচাৰ্জ নকৰিলে চিম কাৰ্ড কিমান দিনৰ পাছত নিষ্ক্ৰিয় হয় আপুনি জানেনে?

TRAI ৰ নিয়ম

আচলতে ভাৰতীয় টেলিকম ৰেগুলেটৰী অথৰিটি (TRAI)ৰ নিয়মে আপোনাৰ চিম কাৰ্ড ৰিচাৰ্জ নকৰাকৈ নিৰ্দিষ্ট সময়ৰ বাবে সক্ৰিয় কৰি ৰাখে। জিঅ’, এয়াৰটেল, ভোডাফোন আইডিয়া আৰু বিএছএনএলৰ দৰে সকলো টেলিকম কোম্পানীয়ে এই নিয়ম মানি চলিব লাগিব।

জিঅ'ৰ চিম কিমান দিন সক্ৰিয় হৈ থাকে?

ৰিলায়েন্স জিঅ’ৰ চিম কাৰ্ড ৰিচাৰ্জ নকৰাকৈ ৯০ দিন সক্ৰিয় হৈ থাকে। আনহাতে ৰিচাৰ্জ প্লেনৰ ওপৰত নিৰ্ভৰ কৰি এমাহ বা কেইসপ্তাহমানৰ ভিতৰত ইনকামিং কল বন্ধ হৈ যায় । তথাপিও যদি ৰিচাৰ্জ নহয় তেন্তে চিমটো বন্ধ হৈ যায় আৰু আন এজন ব্যৱহাৰকাৰীক ব্যবহাৰ কৰিবলৈ দিয়া হয়।

এয়াৰটেলৰ চিম কিমান দিন সক্ৰিয় হৈ থাকে?

এয়াৰটেলৰ চিম কাৰ্ডো ৰিচাৰ্জ নোহোৱাকৈ প্ৰায় ৯০ দিন সক্ৰিয় হৈ থাকে। কিন্তু ব্যৱহাৰকাৰীক অতিৰিক্ত ১৫ দিনৰ ৰেহাই দিয়া হয়, যাতে ব্যৱহাৰকাৰীয়ে ৰিচাৰ্জ কৰিব পাৰে। যদি ৰিচাৰ্জ নহয় তেন্তে চিম বন্ধ হৈ যায় আৰু আন এজন ব্যৱহাৰকাৰীক দিয়া হয়।

ভোডাফোন-আইডিয়া চিম কিমান দিন সক্ৰিয় হৈ থাকে?

ভোডাফোন-আইডিয়াৰ চিমো ৯০ দিন সক্ৰিয় হৈ থাকে, ইয়াৰ পিছতো যদি ৰিচাৰ্জ কৰা নহয় তেন্তে ইয়াক আন এজন ব্যৱহাৰকাৰীক দিয়া হয়। চিম সক্ৰিয় কৰি ৰাখিবলৈ কমেও ৪৯ টকাৰ ৰিচাৰ্জ কৰিব লাগিব।

বিএচএনএল চিম কিমান দিন সক্ৰিয় হৈ থাকে?

ৰিচাৰ্জ নকৰাকৈ BSNL দীৰ্ঘদিন সক্ৰিয় কৰি ৰাখিব পাৰিব। প্ৰায় ১৮০ দিন BSNL চিম সক্ৰিয় হৈ থাকে। যিসকলে বাৰে বাৰে ৰিচাৰ্জ কৰিব নিবিচাৰে আৰু কেৱল চিম সক্ৰিয় কৰি ৰাখিব বিচাৰে তেওঁলোকক বিএছএনএলে এই সুবিধা প্ৰদান কৰে।