ডিজিটেল ডেস্কঃ পৰিবেশ প্ৰদূষণ ৰোধ কৰাৰ লগতে ইন্ধনৰ নাটনিৰ জোৰা মাৰিবলৈ ভাৰতৰ বিভিন্ন চহৰত চিএনজি চালিত বাহনৰ প্ৰচলন হৈছে। ইমানদিনে চিএনজিৰে চাৰিচকীয়া সৰু গাড়ী চলাই থকা হৈছিল যদিও এইবাৰ ভাৰতৰ প্ৰথম চিএনজি-চালিত ট্ৰাক মুকলি কৰে টাটাই।
চিএনজি চালিত ট্ৰাক মুকলি কৰি টাটা গোটে ট্ৰাকৰ পৃথিৱীত এক বিপ্লৱ আৰম্ভ কৰিলে। এই কোম্পানীটোৱে ভাৰতীয় বজাৰত প্ৰথম চিএনজি চালিত ট্ৰাক চলোৱাৰ সিদ্ধান্ত বহুদিন আগতেই লৈছিল। অৱশেষত অপেক্ষাৰ অন্ত পৰিল হ'ল। টাটা গোটে শেহতীয়াকৈ চিএনজি চালিত ট্ৰাকৰ ৭ টা মডেল মুকলি কৰিছে। বিশেষজ্ঞসকলৰ মতে, এই ট্ৰাকবোৰত এনে বহুতো সুবিধা আছে, যিবোৰে চালকসকলক সহজে আকৰ্ষিত কৰিব পাৰিব।
কি মডেল মুকলি কৰা হৈছে জানো আহক
এলপিটি ৭০৯ এক্সডি: ইয়াত ৫ বৰ্গ ফুট ডেক অন্তৰ্ভুক্ত আছে। ইয়াৰ উপৰিও, এই ট্ৰাকে সাধাৰণ ট্ৰাকৰ তুলনাত ১০ শতাংশ অধিক ইন্ধন ৰাহি কৰিব।
এছকে ৭১০ টিপাৰ: এই ট্ৰাকত ৪ এম কিউব এছএফচি প্লেটফৰ্ম ব্যৱহাৰ কৰা হৈছে।
আল্ট্ৰা টি ১২ জি: ইয়াত ৩.৮ লিটাৰ এছজিআই টাৰ্বোচাৰ্জড ইঞ্জিন আছে।
আল্ট্ৰা কে ১৪: বিশ্বমানৰ আৰামদায়ক, শীতাতাপ নিয়ন্ত্ৰিত কেবিন আছে, ইন্ধন ৰাহি কৰিব পাৰিব বুলি ভবা হৈছে।
এলপিটি ১৫১২জি: ইয়াত সৰ্বাধিক চিএনজি ক্ষমতাৰ সৈতে ১০ শতাংশলৈকে ইন্ধন সঞ্চয়ৰ সুবিধা আছে
আল্ট্ৰা টি ১৬ চিএক্স: এই ট্ৰাকখনৰ কেবিনৰ আয়তন তুলনামূলকভাৱে ডাঙৰ আৰু ইয়াত ৩.৩ লিটাৰৰ টাৰ্বোচাৰ্জড ইঞ্জিন আছে।
এলপিকে ৬১০: এই গাড়ীখনৰ উচ্চতা অলপ বেছি। এনে ট্ৰাকত এক উচ্চ-মানৰ ব্ৰেকিং প্ৰণালী আছে।
চিএনজি চালিত এনে ট্ৰাকসমূহে এবাৰত একেৰাহে প্ৰায় ১০০০ কিলোমিটাৰ যাত্ৰা কৰিব পাৰে।
ট্ৰাক অনুসৰি ডেকৰ দৈৰ্ঘ্য পৃথক হয়। যেনে ২০ ফুট আৰু ৩২ ফুটৰ ডেকৰ সৈতে ১৯ টন সামগ্ৰী কঢ়িয়াব পৰা ট্ৰাক। আকৌ ২৮ টন বহন ক্ষমতাৰ ট্ৰাকত ২৪ ফুট আৰু ৩২ ফুটৰ ডেক আছে। এনে ট্ৰাকত দ্ৰুত তেল ভৰ্তিৰ বাবে দ্বৈত নজলৰ ব্যৱস্থা আছে।এনে ট্ৰাকে আটাইতকৈ বেছি ইন্ধন ৰাহি কৰে। গতিকে খৰচো কম হ'ব বুলি ভবা হৈছে।
Continue Reading
