়়ডিজিটেল ডেস্ক: বিপৰীতে এতিয়ালৈকে সৰ্বনিম্ন স্তৰত উপনীত হৈছে টকা।প্ৰতি ডলাৰৰ বিপৰীতে ৮১ টকালৈ হ্ৰাস পালে টকাৰ মূল্য ২৩ ছেপ্টেম্বৰ শুকুৰবাৰে টকাৰ মূল্য ডলাৰৰ বিপৰীতে সৰ্বনিম্ন স্তৰত উপনীত হয়। প্ৰথমবাৰৰ বাবে ডলাৰৰ বিপৰীতে ৩৯ পইচা হ্ৰাস হৈ ৮১.১৮ টকালৈ অৱনমিত। ব্লুমবাৰ্গৰ তথ্য অনুসৰি বৃহস্পতিবাৰে ডলাৰৰ বিপৰীতে টকাৰ মূল্য ৮০.৮৬ৰ স্তৰত বন্ধ হয়। বৃহস্পতিবাৰে টকাৰ পতন হৈছে ২৪ ফেব্ৰুৱাৰীৰ পিছত সৰ্বাধিক ৰূপত । বিশেষজ্ঞসকলৰ মতে, ডলাৰৰ বিপৰীতে টকা ৮১ বা ৮১.৫০ৰ স্তৰলৈ যাব পাৰে।
বিত্তমন্ত্ৰী নিৰ্মলা সীতাৰমণে বৃহস্পতিবাৰে কয় যে চৰকাৰে বিনিময় হাৰ আৰু মুদ্ৰাস্ফীতিৰ ওপৰত নজৰ ৰাখিছে আৰু উপযুক্ত পদক্ষেপ গ্ৰহণ কৰিছে।
আমেৰিকান ডলাৰ সূচকাংক ১১১ৰ ওপৰত আছে আৰু দুবছৰীয়া আমেৰিকান বণ্ডৰ ফলন বহুবছৰীয়া উচ্চতম ৪.১ শতাংশৰ ওপৰত আছে। এইবোৰ কাৰণতে শুকুৰবাৰে প্ৰথমবাৰৰ বাবে ডলাৰৰ বিপৰীতে টকাৰ মূল্য অভিলেখ নিম্ন ৮১.২৩লৈ হ্ৰাস পায়।
পিটিআইত প্ৰকাশিত এক প্ৰতিবেদন অনুসৰি, ফৰেক্স ব্যৱসায়ীসকলে কয় যে আমেৰিকাৰ ফেডাৰেল ৰিজাৰ্ভৰ দ্বাৰা সুতৰ হাৰ ৭৫ ভিত্তি পইণ্ট বৃদ্ধি আৰু ইউক্ৰেইনত বৃদ্ধি পোৱা ভূ-ৰাজনৈতিক বিপদেও টকাৰ ক্ষেত্ৰত প্ৰভাৱ পেলাইছে। এই কাৰণেই বিদেশী বজাৰত আমেৰিকাৰ মুদ্ৰা শক্তিশালী হৈছে। ঘৰুৱা ইকুইটি বজাৰৰ স্থিৰ ধাৰা, বিনিয়োগকাৰীৰ বিপদৰ ক্ষুধা হ্ৰাস পোৱা আৰু খাৰুৱা তেলৰ মূল্যবৃদ্ধিয়ে টকাত প্ৰভাৱ পেলাইছে।
Continue Reading
