ডিজিটেল ডেস্ক: অৱশেষত নিৰ্বাচন আয়োগে ঘোষণা কৰিলে দিল্লী বিধানসভা নিৰ্বাচনৰ দিন৷ ৫ ফেব্ৰুৱাৰীত এটা পৰ্যায়ত দিল্লী বিধানসভা নিৰ্বাচনৰ ভোটগ্ৰহণ হ’ব আৰু নিৰ্বাচনৰ ফলাফল ঘোষণা কৰা হ’ব ৮ তাৰিখে। ৰাজধানী দিল্লীৰ ৭০ খন আসনৰ বিধানসভাৰ কাৰ্যকাল ২৩ ফেব্ৰুৱাৰীত শেষ হ’ব।ইয়াৰ পূৰ্বে নিৰ্বাচন সমাপ্ত কৰিবলৈ সিদ্ধান্ত গ্ৰহণ কৰিছে আয়োগে।
উল্লেখযোগ্য যে ইতিমধ্যে দিল্লীৰ বিধানসভা নিৰ্বাচনত আপে অকলে প্ৰতিদ্বন্দ্বিতা কৰাৰ সিদ্ধান্ত গ্ৰহণ কৰিছে।আৰু এই সন্দৰ্ভত আপ নেতা সঞ্জয় ৰাউতে স্পষ্টভাৱে কয় যে তেওঁলোকৰ যুদ্ধ কংগ্ৰেছৰ সৈতে নহয় পোনপটীয়াকৈ বিজেপিৰ সৈতে বুলি। শাসকীয় আম আদমী পাৰ্টিয়ে সকলো সমষ্টিৰ প্ৰাৰ্থীৰ নাম ঘোষণা কৰিছে। ইফালে কংগ্ৰেছে এই পৰ্যন্ত ৭০খন আসনৰ ভিতৰত ৪৮খন আসনত প্ৰাৰ্থী প্ৰক্ষেপ কৰিছে বুলি জানিব পৰা গৈছে আৰু বিজেপিয়ে বৰ্তমানলৈকে ২৯ টা সমষ্টিৰ প্ৰাৰ্থী তালিকা ঘোষণা কৰিছে।
নিৰ্বাচন আয়োগৰ তথ্য অনুসৰি দিল্লী বিধানসভা নিৰ্বাচনত মুঠ ১৩,০৩৩টা ভোটকেন্দ্ৰত ভোটগ্ৰহণ হ’ব ।১৭ জানুৱাৰীত দিল্লীৰ বিধানসভা নিৰ্বাচনৰ মনোনয়ন দাখিলৰ অন্তিম তাৰিখ আৰু ২০ জানুৱাৰী মনোনয়ন প্ৰত্যাহাৰ কৰাৰ অন্তিম তাৰিখ বুলি সদৰি কৰিছে আয়োগে।
এইবাৰ দিল্লীত বিধানসভা নিৰ্বাচনত ১.৫৫ কোটিৰো অধিক ভোটাৰে নিৰ্ণয় কৰিব দিল্লীৰ ভৱিষ্যৎ। ইয়াৰে ২ লাখৰো অধিক যুৱ ভোটাৰে প্ৰথমবাৰৰ বাবে ভোটদান কৰিব বুলি আয়োগে ঘোষণা সদৰি কৰিছে৷ আৰু ৮৫ বছৰৰ ওপৰৰ লোকসকলে ঘৰতে ভোট দান কৰিব পাৰিব বুলি সদৰি কৰিছে।
Continue Reading
