ডিজিটেল ডেস্ক: গুগল পে’ ব্যৱহাৰকাৰীসকলৰ বাবে দুখবৰ৷ অচিৰেই বন্ধ হ’ব গুগল পে‘৷ শেহতীয়া এক খবৰ অনুসৰি, গুগলে এই এপটো বন্ধ কৰাৰ সিদ্ধান্ত লৈছে৷
প্ৰযুক্তি প্ৰতিষ্ঠান গুগলে এটা ব্লগ পোষ্টত অহা ৪ জুনৰ পৰা গুগল পে’ৰ আমেৰিকান সংস্কৰণ বন্ধ কৰা হ’ব বুলি সদৰী কৰে৷ ৪ জুনৰ পৰা আমেৰিকাত গুগল পে’ এপটো বন্ধ হ’লেও কিন্তু ভাৰতত এই এপৰ সেৱা চলি থাকিব।
এই এপটো আমেৰিকা, ভাৰত আৰু ছিংগাপুৰত সৰ্বাধিক ব্যৱহৃত হয়। আমেৰিকাত এপটো বন্ধ কৰি দিয়া হ’লেও ভাৰত আৰু ছিংগাপুৰত পূৰ্বৰ দৰেই চলি থাকিব এপটো৷
গুগলৰ তথ্য অনুসৰি, ভাৰত আৰু ছিংগাপুৰৰ ব্যৱহাৰকাৰীয়ে গুগল পে’ত কোনোধৰণৰ অসুবিধাৰ সন্মুখীন হ’বলগাত নপৰে। ৪ জুনৰ পাছত আমেৰিকাৰ ব্যৱহাৰকাৰীয়েহে ইয়াৰ দ্বাৰা ধনৰ আদান-প্ৰদান কৰিব নোৱাৰিব৷
প্ৰতিষ্ঠানটোৱে ইতিমধ্যে গুগল পে’ ব্যৱহাৰকাৰীসকলক গুগল ৱালেট এপলৈ স্থানান্তৰিত হ’বলৈ পৰামৰ্শ দিছে। ব্লগটোত গুগলে লিখিছে— ‘Zippy ব্যৱহাৰকাৰীসকলে যদি কন্টেক্টলেছ পেমেণ্ট সেৱা অব্যাহত ৰাখিব বিচাৰে, তেন্তে জুন মাহৰ সময়সীমাৰ পূৰ্বে Google Walletলৈ স্থানান্তৰিত হ’ব লাগিব।’
Continue Reading
