হেলিকপ্টাৰ দুৰ্ঘটনাত ইৰানৰ ৰাষ্ট্ৰপতি ৰাইচিৰ মৃত্যুৰ পিছত কোন হ’ব নতুন ৰাষ্ট্ৰপতি? ইৰানৰ সংবিধানে কি কয়?

ইছলামিক দেশখনৰ  প্ৰথম উপ-ৰাষ্ট্ৰপতি মহম্মদ মুখবাৰৰ নামেই এতিয়া ব্যাপকভাবে চৰ্চা হৈছে।  ৰাইচিৰ মৃত্যু ঘটাৰ পিছত মুখবাৰেই  বৰ্তমান অন্তৱৰ্তীকালীন ৰাষ্ট্ৰপতি হিচাপে কাম কৰিব বুলি আশা কৰা হৈছে। অৱশ্যে, মুখবাৰে পূৰ্ণ-সময়ৰ ৰাষ্ট্ৰপতিৰ আসনত বহিবলৈ নিৰ্বাচনী প্ৰক্ৰিয়াৰ মাজেৰে যাব লাগিব। ইৰানৰ  সংবিধানৰ অনুচ্ছেদ ১৩১ অনুসৰি যদি ৰাষ্ট্ৰপতিৰ মৃত্যু হয় তেন্তে  প্ৰথম উপ ৰাষ্ট্ৰপতিয়ে অস্থায়ীভাৱে এই পদগ্ৰহণ কৰিব। তাৰ পিছত নতুন ৰাষ্ট্ৰপতিৰ বাবে নিৰ্বাচন প্ৰক্ৰিয়া অহা ৫০ দিনৰ ভিতৰত সম্পূৰ্ণ কৰিব লাগিব।  অৱশ্যে, তেহৰাণৰ ৰাজনৈতিক চক্ৰই কয় যে ইৰাণৰ পৰৱৰ্তী ৰাষ্ট্ৰপতি হোৱাৰ পথত মুখবাৰৰ বেছি বাধা  নাই। তেওঁক খোমেইনিৰ অতি ঘনিষ্ঠ বুলি জনা যায়। ৰাইচিৰ সৈতেও মুখবাৰৰ ভাল সম্পৰ্ক আছিল। ফলস্বৰূপে   ২০২৫ চনত ইৰাণত ৰাষ্ট্ৰপতি নিৰ্বাচন অনুষ্ঠিত হ'ব লাগিছিল।

 কিন্তু ৰাইচিৰ আকস্মিক মৃত্যুৱে  নিৰ্বাচন আগুৱাই আনিলে। ইব্ৰাহিম ৰাইচি ২০২১ চনত বৃহৎ ভোটৰ ব্যৱধানত ৰাষ্ট্ৰপতি নিৰ্বাচিত হৈছিল। তেওঁ তেতিয়াৰ ৰাষ্ট্ৰপতি হাছান ৰুহানিক পৰাস্ত কৰিছিল। এজন কঠোৰপন্থী হিচাপে ৰাইচি পৰিচিত আছিল। এটা সময়ত আমেৰিকাই মানৱ অধিকাৰ উলংঘনৰ বাবে ৰাইচিৰ বিৰুদ্ধে  নিষেধাজ্ঞা আৰোপ কৰিছিল। আমেৰিকা যুক্তৰাষ্ট্ৰকে ধৰি পশ্চিমীয়া দেশবোৰে ৰাইচিক সদায় সমালোচনা কৰি আহিছে। তেওঁৰ চৰকাৰৰ কাৰ্যকালতে ২০২২ চনত  ইৰানত হিজাব বিতৰ্কই  ভয়াৱহ  ৰূপ লৈছিল। সমগ্ৰ দেশ উত্তেজিত হৈ পৰিছিল। ইফালে, শেহতীয়া বছৰবোৰত ইজৰাইলৰ সৈতে  ইৰানৰ সংঘাত তীব্ৰতৰ হৈছে। ফলস্বৰূপে  ৰাইচিৰ মৃত্যুৱে আন্তৰ্জাতিক সম্প্ৰদায়ত নানান  জল্পনা-কল্পনাৰ সৃষ্টি কৰিছে।  প্ৰশ্নটো হ'ল ৰাইচিৰ মৃত্যু সঁচাকৈয়ে  এটা দুৰ্ঘটনা আছিল নে ইয়াৰ আঁৰত কোনো ষড়যন্ত্ৰ আছে?