ডিজিটেল ডেস্কঃ হিংসাত্মক পৰিৱেশে ছানি ধৰিছে বাংলাদেশ। এই অস্থিৰ পৰিৱেশৰ মাজতে বাংলাদেশৰ প্ৰধানমন্ত্ৰী শ্বেখ হাছিনাৰ পদত্যাগ। দেশ এৰি পলায়ন কৰিলে প্ৰধানমন্ত্ৰী শ্বেখ হাছিনাই। সেনাৰ হেলিকপ্তাৰেৰে দেশ এৰি পলায়ন হাছিনাৰ। ‘ঢাকা পেলেচ’ এৰি সেনাৰ হেলিকপ্তাৰেৰে পলায়ন কৰিছে শ্বেখ হাছিনা।
হিংসাত্মক ঘটনাই ভয়ংকৰ ৰূপ লৈছে বাংলাদেশত। দেওবাৰে বাংলাদেশত নিহত হয় শতাধিক প্ৰতিবাদকাৰী।
এতিয়াও উন্নত হোৱা নাই বাংলাদেশৰ পৰিস্থিতি। দেশখনত হিংসাত্মক ঘটনাত প্ৰায় ১০০ গৰাকী লোক নিহত হোৱাৰ খবৰ পোৱা গৈছে । ইয়াৰ পিচতে প্ৰতিবাদকাৰীসকলে সোমবাৰে ঢাকালৈ বৃহৎ সমদলৰ ঘোষণা কৰিছে। এই সমদলত দেশখনৰ সাধাৰণ ৰাইজক অংশগ্ৰহণৰ বাবে আহ্বান জনাইছে প্ৰতিবাদকাৰী সংগঠনসমূহে। ইয়াৰ ফলত বাংলাদেশত আন এক উত্তেজনাপূৰ্ণ পৰিস্থিতিৰ সৃষ্টি হৈছে।
এই সংঘৰ্ষৰ ফলত ১৪ গৰাকী আৰক্ষীসহ প্ৰায় ১০০ গৰাকী লোক নিহত হোৱা বুলি জানিব পৰা গৈছে।
উল্লেখ্য যে ছাত্ৰ বিদ্ৰোহত কঁপি আছে বাংলাদেশ। দেশখনৰ চৰকাৰী নিযুক্তিত সংৰক্ষণ ব্যৱস্থাৰ বিৰুদ্ধে ছাত্ৰ আৰু নিৰাপত্তাৰক্ষীৰ সংঘৰ্ষই ভয়াৱহ ৰূপ ধাৰণ কৰিছে। যাৰ পৰিপ্ৰেক্ষিতত প্ৰধানমন্ত্ৰীয়ে পদত্যাগ কৰিবলৈ বাধ্য হৈছে।
Continue Reading
