ভাৰতীয় বায়ু সেনাই পাব থলুৱাভাৱে নিৰ্মিত বিশেষ প্ৰযুক্তিৰ ‘মাউণ্টেইন ৰাডাৰ’

ডিজিটেল ডেস্ক : শত্রুপক্ষৰ যুঁজাৰু বিমানক চিনাক্ত কৰিবলৈ ভাৰতীয় বায়ু সেনাই থলুৱাভাৱে নির্মিত দুখন শেহতীয়া প্ৰযুক্তি ‘মাউণ্টেইন ৰাডাৰ’ শীঘ্ৰেই লাভ কৰিব।

নিম্ন উচ্চতাৰ পৰা উৰা যুঁজাৰু বিমান, ক্ষেপণাস্ত্ৰ আৰু ড্ৰ’নৰ অৱস্থিতি পৰ্বত এলেকাৰ পৰা ধৰা পেলাবলৈ সক্ষম হ’ব এই মাউণ্টেইন ৰাডাৰে। 

প্ৰতিৰক্ষা মন্ত্ৰ্যালয়ে প্রকাশ কৰা মতে, এই ‘মাউণ্টেইন ৰাডাৰ’ লাডাখ, ছিকিম আৰু অৰুণাচল প্ৰদেশৰ দৰে স্পৰ্শকাতৰ তথা কৌশলগত ঠাইত উপযোগী হ'ব। হেলিকপ্টাৰৰ জৰিয়তে এই ৰাডাৰ পদ্ধতি অধিক উচ্চতাৰ অঞ্চলবোৰত মোতায়েন কৰা হ'ব। 

এই বিষয়ত প্ৰতিৰক্ষা ম্যালয়ে ভাৰত ইলেক্ট্রনিকছ লিমিটেডৰ (বি ইএল) সৈতে ১৯৫০ কোটি টকাৰ এখন চুক্তিত স্বাক্ষৰ কৰিছে। 

প্ৰতিৰক্ষা গৱেষণা আৰু বিকাশ সংস্থাৰ (ডি আৰ ডি অ') বেংগালুৰুস্থিত এটা গৱেষণাগাৰত এই ‘মাউণ্টেইন ৰাডাৰ’ৰ ডিজাইন আৰু বিকশিত কৰা হৈছে। 

বি ই এলে এই ‘মাউণ্টেইন ৰাডাৰ’ৰ নিৰ্মাণ আৰু যোগান ধৰিব।

উৎসঃ দৈনিক জনমভূমি