জাপানৰ প্ৰথম মহিলা প্ৰধামমন্ত্ৰীৰ দৌৰত ছানাই টাকাইছী

জাপানঃ ইতিহাস ৰচনাৰ দিশে জাপান। প্ৰথমগৰাকী মহিলা প্ৰধানমন্ত্ৰীৰ পদত অধিষ্ঠিত হোৱাৰ দিশে এগৰাকী মহিলা। এলডিপিৰ নেতা তথা প্ৰাক্তন কেবিনেট সদস্য ছানাই টাকাইছীয়ে জাপানৰ প্ৰধানমন্ত্ৰী পদৰ বাবে সংসদৰ সদস্যসকলৰ পৰা পৰ্যাপ্ত সমৰ্থন লাভ কৰা বুলি সংবাদ মাধ্যমত প্ৰকাশ পাইছে। মহিলা ৰাজনীতিবিদগৰাকীয়ে প্ৰধানমন্ত্ৰী য়োশিহিদেত ছেনীৰ স্থান ল'বলৈ সাজু হৈছে। ইয়াৰ পূৰ্বে শাসনাধিষ্ঠিত দল এলডিপিৰ ৰাষ্ট্ৰপতি পদৰ দৌৰত আইন প্ৰণেতাসকলৰ সমৰ্থন লাভৰ চেষ্টা কৰিছিল টাকাইছীয়ে।

ৰাষ্ট্ৰপতি পদৰ বাবে যুঁজ দি আকাংশিত ফল লাভত ব্যৰ্থ হৈছিল টাকাইছী। এইবাৰ প্ৰধানমন্ত্ৰী পদৰ বাবে প্ৰতিদ্বন্দ্বিতা আগবঢ়াইছে মহিলা ৰাজনীতিবিদ গৰাকীয়ে। জাপানৰ প্ৰাক্তন প্ৰধানমন্ত্ৰী শিনজো আবেৰ পৰাও বিপুল সমৰ্থন লাভ কৰিছে তেওঁ। উল্লেখ্য যে, জাপানত জাতীয় প্ৰতিৰোধ বাহিনী প্ৰতিষ্ঠাৰ হকে সাংবিধানিক সংশোধনৰ বাবে দীৰ্ঘদিন ধৰি দাবী জনাই আহিছে টাকাইছীয়ে। ১৯৯৩ চনত পোন প্ৰথমবাৰৰ বাবে ছানাই টাকাইছী সংসদৰ প্ৰতিনিধি হিচাপে নিৰ্বাচিত হৈছিল। এই নিৰ্বাচনত টাকাইছী জয়ী হ’লে জাপানৰ প্ৰথম গৰাকী মহিলা প্ৰধানমন্ত্ৰী হিচাপে বিবেচিত হ’ব ছানাই টাকাইছী।