ডিজিটেল ডেস্কঃ দুগৰাকী বান্ধৱীৰ মাজত আৰম্ভ হ’ল প্ৰেম। প্ৰেম ইমানেই গভীৰ হ’ল যে দুয়ো বিয়া পতাৰ সিদ্ধান্ত ল’লে। ইয়াৰ বাবে এগৰাকীয়ে নিজকে পুৰুষ কৰিবলৈও প্ৰস্তুত হ’ল। লিংগ পৰিৱৰ্তন কৰি এগৰাকী যুৱতী হ’ল যুৱক, তাৰপাছত পাতিলে বিয়া।
উত্তৰ প্ৰদেশৰ কনৌজত ঘটিছে এই ঘটনা। দুয়োৰে প্ৰেম ইমানেই বাঢ়ি আহিল যে তেওঁলোকে ইজনে সিজনক এৰি থাকিব নোৱাৰা হ’ল। এনে পৰিস্থিতিত এগৰাকীয়ে ৭ লাখ টকা খৰচ কৰি তেওঁৰ লিংগ সলনি কৰি দিলে। ইয়াৰ পিছত তেওঁ নিজৰ নামটোও সলনি কৰিলে।ছোৱালীৰ পৰা ল’ৰালৈ সলনি হৈ তেওঁ বিউটিচিয়ান বান্ধৱীক বিয়া পাতি ল’লে। এই বিবাহ এতিয়া চৰ্চাৰ বিষয় হৈ পৰিছে। ছচিয়েল মিডিয়াত ভাইৰেল হৈ পৰিছে এই নৱ বিবাহিত দম্পতীৰ ছবি। লিংগ পৰিৱৰ্তন কৰা ছোৱালীজনী কনৌজৰ এগৰাকী ব্যৱসায়ীৰ কন্যা আছিল।
জানিব পৰা মতে, ২০২০ চনত দুয়ো চিনাকি হৈছিল। ব্যৱসায়ীৰ কন্যাই লিংগ সলনিৰ বাবে এতিয়ালৈকে তিনিটাকৈ অপাৰেচন কৰা বুলিও চৰ্চা চলিছে। সম্পূৰ্ণ ল’ৰাৰ দৰে দেখাবলৈ তেওঁ চতুৰ্থটো অপাৰেচন কৰিব লাগিব।
ব্যৱসায়ীজনৰ কন্যাই সৰুৰে পৰাই ল’ৰাৰ দৰে জীৱন-যাপনৰ প্ৰতি আকৰ্ষিত আছিল। আৰম্ভণিৰে পৰাই তেওঁ পুৰুষৰ দৰে সাজ-পোছাক পিন্ধি একে ষ্টাইলতে ঘূৰি ফুৰিছিল। অৱশেষত প্ৰেমৰ বাবে অপাৰেচন কৰি লিংগ পৰিৱৰ্তন কৰিলে আৰু যুৱতীৰ পৰা যুৱক হৈ পৰিল।
Continue Reading
