ডিজিটেল ডেস্কঃ ধনতেৰাছ হৈছে হিন্দু ধৰ্মৰ এটা উৎসৱ, যি পাঁচদিনীয়া দীপাৱলী উৎসৱৰ আৰম্ভণি। কাতি মাহৰ কৃষ্ণ পক্ষৰ ত্ৰয়োদশ চন্দ্ৰ দিৱসত উদযাপন কৰা হয়। এইটো বিশ্বাস কৰা হয় যে ধনতেৰাছত ধনন্তৰীক উপাসনা কৰি, সাধকসকলে অপৰিসীম সম্পদ লাভ কৰিব পাৰে লগতে ঘৰৰ পৰা দৰিদ্ৰতা আঁতৰ হয়।
ধনতেৰাছ কিয় উদযাপন পৰা হয়?
প্ৰতি বছৰে কাতি মাহৰ কৃষ্ণপক্ষ ত্ৰয়োদশী তিথিত ধনতেৰাছ উৎসৱ উদযাপন কৰা হয়। এই উৎসৱত দীপান্বিতাৰ প্ৰাক্-মুহূৰ্তত গণেশ আৰু লক্ষ্মী দেৱীক একেলগে পূজা-অৰ্চনা কৰা হয় আৰু ধন-সোণ আনি ঘৰত স্থাপন কৰা হয়। ধৰ্মীয় বিশ্বাস অনুসৰি, কাতি মাহৰ কৃষ্ণপক্ষৰ ত্ৰয়োদশী তিথিৰ দিনা ভগৱান ধনন্তৰীৰ অৱতাৰ গ্ৰহণ কৰিছিল৷ ধনন্তৰীক ভগৱান বিষ্ণুৰ এক ৰূপ বুলি গণ্য কৰা হয়। যাৰ বাবে এই বিশেষ দিনটোক ধনতেৰাছ বুলি জনা যায়। এই উৎসৱ মূলত: উত্তৰ ভাৰতীয় আৰু হিন্দুসকলৰ উৎসৱ। এই উৎসৱত সোণ-ৰূপ বা তেনে কোনো মূল্যৱান ধাতু ক্ৰয় কৰা হয়। যাতে গোটেই বছৰজুৰি ঘৰত বা ব্যৱসায়ত লক্ষ্মী থাকে।
ধনতেৰাছ কাতি মাহৰ এটা অতি গুৰুত্বপূৰ্ণ উৎসৱ। কাতি মাহটো সনাতন ধৰ্মত অতি শুভ বুলি গণ্য কৰা হয়। এই মাহত গংগাত গা ধোৱাৰ বিশেষ গুৰুত্ব আছে। লগতে, কাতি মাহত ধনতেৰাছ, দেৱালী, গোবৰ্ধন পূজা, ভাই দোজ, ছট পূজাৰ দৰে মুখ্য উৎসৱ পালন কৰা হয়। বিশ্বাস কৰা হয় যে ধনতেৰাছ কাতি মাহৰ কৃষ্ণ পক্ষৰ ত্ৰয়োদশ চন্দ্ৰ দিৱসত ভগৱান ধনন্তৰীক উপাসনা কৰি, সাধক জনে অপৰিসীম সম্পদ লাভ কৰে। ধনতেৰাছত মানুহে তেওঁলোকৰ ঘৰ বোৰ পৰিষ্কাৰ কৰে আৰু সজায় তোলে, লগতে নিজৰ ঘৰৰ চাৰিওফালে তেলৰ চাকি আৰু মমবাতি জ্বলাই আৰু লক্ষ্মী দেৱীক উপাসনা কৰে।
ধনতেৰাছক কিয় এটা শুভ দিন বুলি গণ্য কৰা হয়?
১. প্ৰথম কাৰণ হৈছে ধনতেৰাছৰ দিনটোতে ভগৱান ধন্বন্তৰী অমৃতৰ পাত্ৰ ধৰি সমুদ্ৰ মন্থনৰ সময়ত সাগৰৰ পৰা ওলাই আহিছিল।
২. দ্বিতীয় কাৰণ হৈছে ধনতেৰাছৰ দিনাই দেৱী লক্ষ্মী প্ৰথমবাৰৰ বাবে পৃথিৱীত উপস্থিত হৈছিল বুলি বিশ্বাস কৰা হয়।
৩. তৃতীয়তে এই দিনটোতে পাঁচদিনীয়া দেৱালী উৎসৱৰ আৰম্ভণি হয়, যি হৈছে উদযাপন, নতুন আৰম্ভণি আৰু সমৃদ্ধিৰ সময়।
৪. আৰু চতুৰ্থতে, ধনতেৰাছৰ দিনা সন্ধিয়া চাকি জ্বলোৱা হয়, ইয়াক যম দীপক বুলিও কোৱা হয়। লোকবিশ্বাস অনুসৰি, এনে কৰিলে পৰিয়ালত অকাল মৃত্যু হাৰ কম হয়৷
ধনতেৰাছ সমগ্ৰ বিশ্বৰ হিন্দু সকলৰ বাবে এক বিশেষ দিন। জীৱনৰ ভাল বস্তুবোৰ উদযাপন কৰিবলৈ আৰু এক উজ্জ্বল আৰু সমৃদ্ধ ভৱিষ্যতৰ বাবে প্ৰাৰ্থনা কৰাৰ বাবে পৰিয়াল আৰু বন্ধুবৰ্গৰ সৈতে একত্ৰিত হোৱাৰ সময়।
Continue Reading
