--°C
Loading...
Listen to Article
2 min read
80%
ডিজিটেল ডেস্ক: পথ দুৰ্ঘটনাত ক্ৰিকেটাৰ ঋষভ পন্তৰ(Rishabh Pant) জীৱন ৰক্ষা কৰা যুৱকজনে প্ৰেমিকাৰ সৈতে বিষ সেৱন কৰে। ২৫ বছৰীয়া যুৱক ৰজত কুমাৰৰ ২১ বছৰীয়া মন্নু কাশ্যপৰ সৈতে প্ৰেমৰ সম্পৰ্ক আছিল। চিকিৎসাৰ সময়ত প্ৰেয়সী মন্নু কাশ্যপৰ মৃত্যু হোৱাৰ বিপৰীতে ৰজত ৰুৰকিৰ এখন ব্যক্তিগত চিকিৎসালয়ত চিকিৎসাধীন হৈ আছে।

ৰজত আৰু মন্নু দুয়োজনেই বিভিন্ন সম্প্ৰদায়ৰ আছিল, যাৰ বাবে তেওঁলোকৰ পৰিয়ালে তেওঁলোকৰ সম্পৰ্কত সন্মতি জনোৱা নাছিল। এই কাৰণে ছোৱালীজনীৰ বিয়াখন আন ঠাইত ঠিক কৰি দিলে পৰিয়ালৰ লোকে। সেয়ে এই প্ৰেমিকযুগলে বিষাক্ত পদাৰ্থ সেৱন কৰি নিজৰ জীৱন শেষ কৰিবলৈ চেষ্টা কৰিছিল।

২০২২ চনৰ ডিচেম্বৰ মাহত হৰিদ্বাৰৰ গুৰুকুল নৰছানত পথ দুৰ্ঘটনাত পতিত হোৱা বিখ্যাত ক্ৰিকেটাৰ ঋষভ পন্তৰ জীৱন ৰক্ষা কৰিছিল ৰজত আৰু তেওঁৰ গাঁৱৰ নিশু নামৰ আন এজন যুৱকে। তাৰপাছত কাৰখানাৰ পৰা নিজৰ গাঁৱলৈ উভতি আহোঁতে এই যুৱক দুজনে ঋষভ পন্তক দুৰ্ঘটনাগ্ৰস্ত হৈ জ্বলি থকা গাড়ীখনৰ পৰা উলিয়াই আনি চিকিৎসালয়লৈ লৈ গৈছিল, যাৰ বাবে ঋষভ পন্তই ৰজত আৰু নিশুক এখনকৈ স্কুটী উপহাৰ হিচাপে দিছিল।

তাৰপিছত পন্তই পিছত ৰজত আৰু নিশুক ধন্যবাদ জনাই এটা পোষ্ট দিছিল। পণ্টে লিখিছিল- মই সকলোকে ব্যক্তিগতভাৱে ধন্যবাদ দিব নোৱাৰিলোঁ, কিন্তু মোৰ দুৰ্ঘটনাৰ সময়ত মোক সহায় কৰা আৰু মই সুৰক্ষিতভাৱে চিকিৎসালয় পোৱাটো নিশ্চিত কৰা এই নায়ক দুজনৰ প্ৰতি কৃতজ্ঞতা প্ৰকাশ কৰিব লাগিব। ৰজত কুমাৰ আৰু নিশু কুমাৰ, ধন্যবাদ। মই আপোনালোকৰ ওচৰত সদায় কৃতজ্ঞ আৰু ঋণী হৈ থাকিম।

উল্লেখ্য যে ৰজত কুমাৰে প্ৰেমিকাৰ সৈতে বিহপান কৰা বিষয়ত আৰক্ষীয়ে এতিয়াও কোনো ধৰণৰ ব্যৱস্থা গ্ৰহণৰ অভিযোগ পোৱা নাই যদিও তথাপিও আৰক্ষীয়ে বিষয়টোৰ প্ৰতিটো দিশৰ পৰা তদন্ত কৰি আছে। আৰক্ষীয়ে কয় সমগ্ৰ বিষয়টোৰ ওপৰত গুৰুত্বসহকাৰে তদন্ত চলি আছে, যি প্ৰমাণ পোৱা যায় তাৰ ভিত্তিত ব্যৱস্থা গ্ৰহণ কৰা হ’ব। আৰক্ষীয়ে সকলো দিশৰ তদন্ত অব্যাহত ৰাখিছে।
FOLLOW US F
POPULAR
FEATURE
TRENDY
অসমত থকাৰ বাবেই কেন্দ্ৰীয় চৰকাৰৰ স্বীকৃত নহ'ল টোকোলাই চাহ গৱেষণা কেন্দ্র
আজি পৱিত্ৰ গুৰু পূৰ্ণিমা, আজিৰে পৰা কপাল ফুলিব এইকেইটা ৰাশিৰ ভাগ্য
ভাৰতলৈ সুখবৰ ! ভাৰতীয় মূলৰ ছাবিহ খানক এপ'লৰ নতুন COO হিচাপে নিযুক্তি
ত্ৰাণকৰ্তা ৰকী! এটা কুকুৰৰ বাবে প্ৰাণৰক্ষা পৰিল ৬৭জনৰ
পুনৰ প্ৰাণ পাই উঠিল ৱুলাৰ হ্ৰদ! ৩০ বছৰৰ পাছত আটাইতকৈ ডাঙৰ মিঠা পানীৰ হ্ৰদটোত ফুলি উঠিল পদুম
ভাৰতৰ শংকাৰ কাৰণ হৈ পৰিছে চীন-পাকিস্তান-বাংলাদেশৰ মিতিৰালি